"بيطلع نار زي الديناصورات".. رامز جلال يسخر من حجم من بيج رامي

حل لاعب كمال الأجسام بيج رامي، ضحية الحلقة الـ22 من “رامز موفي ستار”، والمذاع على قناة “mbc مصر”.

و بدأ رامز في إلقاء التعليقات الساخرة، على بيج رامي قائلا: “ننهي الحلقة بكرامتنا أحسن، البت واقفة جنبه كأنها سنجاب، مش لابس جزمة ده لابس في رجله بانيو، حاسب على السلم لياخدك ويقع، كف إيده قد الطبلية، ده محتاج خرتيت مشويه محتاجين مساحين من الحي علشان يمسحو الأطوال ده مش دراع ده عمود خرسانة، ده عايز تمانية إكس لارج”.

وسخر رامز جلال من بيج رامي، بعد تجيزه لتأدية المشهد الأكشن مع النجم العالمي فان دام حيث قال: “ده حداد، ده بيطلع نار زي الديناصورات”.

يُذكر أن برنامج "رامز موفي ستار" قد تم تصويره بمدينة الرياض برعاية الهيئة العامة للترفيه بالمملكة العربية السعودية للعام الثاني على التوالي، ويُشارك فيه الفنان العالمي فان دام، ويقع في فخ رامز هذا العام عدد كبير من نجوم الفن والرياضة والإعلام، وحققت مُشاهدات البرنامج أرقام قياسية بعد ساعات من عرضه.