السيسي يجُيب عن سؤال حير الملايين "وديتوا الفلوس فين"؟
طالب الرئيس عبد الفتاح السيسي، الدكتور هاني سويلم، وزير الموارد المائية والري، بالإعلان عن تكلفة مشروع ضمن مشروعات الري للوزارة.
وقال الرئيس السيسي، خلال افتتاح موسم الحصاد بمشروع مستقبل مصر، اليوم الاثنين: يا دكتور هاني، قول الفلوس اللي دفعتهم، عشان نستفيد من 7.5 مليون متر مكعب، دفعتوا كام؟، قول يا دكتور رقم محدش ينساه.
وتابع الرئيس السيسي: الرقم 190 مليار جنيه، المصريين وسواء رأي عام أو مفكرين، يقولك وديتوا الفلوس فين؟ مكنش عندي خيارات تانية، نسيب بلدنا كده وتخرب، لأ ننفق إنفاق عالي جدا في سبيل إن الدولة تعيش، طب رشيد ومآخذ رشيد كام؟ الدكتور شاكر عايز لمحطات الكهرباء 50 مليار جنيه للمحولات بتاعتهم.
قال الرئيس عبدالفتاح السيسى، إن الدولار كان وما زال يمثل تحديا، معلقا بالقول: "كان عندنا تحدى الدولار وما زال.. قلتلهم لازم تعملوا إذا كنتم عاوزين تتجاوزوا مشكلة الدولار فى مصر لازم تخلوا المنتج المحلى ضخم جدا، علشان يغطى المطلب بتاع البلد، ولو فيه فرصة تصدر بره تصدر أى إنتاج زراعى وصناعي".
وعن إنشاء الصوامع، أكد الرئيس السيسى خلال افتتاح المرحلة الأولى من موسم الحصاد بمشروع مستقبل للتنمية المستدامة: "قلتلهم مقدرش اعمل صوامع الا بالجنيه المصرى لو فيه شركة تزود المكون المحلى وتقدر تخلى الصوامع بالجنيه انا مستعد اتعاقد.. قالوا ايوه..اتكلمنا فى 500 الف طن خدوهم بالمصرى وعملوا مكون محلى زودوه علشان ميبجوش حاجة من بره يبقا كده انا استفدت لما ادخل الخدمة نص مليون طن خلال سنة وشهرين ده مش قليل، ولو انا محتاج اكتر مستعد اعمل تانى علشان يبقا كل إنتاجنا من المحاصيل المختلفة الذرة والقمح والأرز يبقا ليه مناطق تخزين محترمة".
