الرئيس السيسي: "كمسئول في الدولة بعمل اللي محدش يفكر فيه.. من كرم ربنا عليا"
شدد الرئيس عبد الفتاح السيسي، على أهمية الاهتمام بالتعليم التكنولوجي، مضيفا مخاطبا المواطنين، "لو موقفتوش مع أولادكم يا مصريين من وهما في ابتدائي وإعدادي عشان يتعلموا الكلام ده فرص إننا نكون أغنياء هتكون قليلة".
وأشار السيسي، خلال كلمته بافتتاح مركز البيانات والحوسبة السحابية الحكومية، اليوم الأحد، "بقول لكل أسرة مصرية عندها أولاد في ابتدائي واعدادي إذا كنتم عايزين تعملوا لأودكم حاجة لازم نهتم بهذا التعليم.. في دول عدد سكانها بسيط وبيشتغل في قطاعات التكنولوجيا نسبة كبيرة من سكانها".
وأشار إلى 95% من مصر صحراء فاضية، "ومفيش غير الإنسان"، مضيفا: "عايزين نخرج من اللي إحنا فيها.. يا جماعة لو اهتمينا بـ 105 مليون وكل مدير مدرسة وكل عميد كلية اهتم بالبرامج التكنولوجية والبرمجة، هنوصل لمعدلات كبيرة".
وتابع، "كمسئول في الدولة بعمل اللي محدش يفكر فيه وده من كرم ربنا عليا.. لو كنت مشيت على المسار قبل 2018 مكنتش هعمل كده خالص، هجيب منين، مش عايزنا نحلم لبلادنا أنها تاخد مكانتها اللي تستحقها".
