فيفي عبده لـ "حبر سري": أرفض حفيدتي تشتغل رقاصة واتبهدلت عشان أوصل لمكانتي

أكدت النجمة فيفي عبده، عدم وافقتها حالة رغبة حفيدتها في العمل بمجال الرقص، قائلة: "لو حفيدتي طلبت ترقص أرفض وأيامي كان الرقص حاجة تانية وكان في احترام وكل الناس اللي قعدة تشاهد العروض مهمين ومش أي كلام وكان ناس ثقيلة ومحترمة".

وأوضحت فيفي عبده، خلال حوارها ببرنامج "حبر سري"، مع الاعلامية اسما ابراهيم، على قناة القاهرة والناس، أن الجميع يفتي الان في مجال الرقص وحفيدتها وصلت لمرحلة علمية مميزة وتدرس سياسة واقتصاد، مضيفة: "مش ممكن اسمح لها بده وهي اتعلمت وأنا اتبهدلت في الشغل عشان اوصل لمكانتي حاليا".

واستكملت: "الرقص الشرقي كان زمان له جمهور وقيمة عن دلوقتي وعشان كده متقليش ولا راقصة مصرية الان، وانا برقص في البيت، ومصر كانت مليانة راقصات ودلوقتي وكفاية المهاجمة للرقص طوال الوقت والكتاب يطلعوا أي واحدة عايزة تنحرف تبقى رقاصة ودي نقطة ضعف".

آخر أعمال فيفي عبده 

ويشار أن مسلسل «شغل في العالي» كان آخر أعمال فيفي عبده الفنية عام 2022، وحقق نجاحا كبيرا، بسبب الديو المميز الذي يجمع شيرين رضا وفيفي عبده، حيث خطف الثنائي الأنظار إليهما في رمضان في ظل المنافسة الشرسة التي شهدها موسم مسلسلات رمضان 2022، لكونه أول تعاون بينهما، بالإضافة إلى أنه أعاد الفنانة فيفي عبده إلى الماراثون الرمضاني بعد غياب عامين عن جمهورها ومحبيها.

أبطال مسلسل شغل في العالي

العمل من بطولة شيرين رضا وفيفي عبده ومروان يونس، بجانب عدد من ضيوف الشرف من بينهم بيومي فؤاد، ونضال الشافعي، ونجم كرة القدم ميدو، والعمل من اخراج مرقس عادل وتأليف حسين مصطفى محرم.