رامي جمال لجمهوره: انتظروا ألبوم جديد بعد شهر رمضان

روج الفنان رامي جمال عن أحدث أعماله القادمة وذلك عبر صفحته الرسمية بموقع تبادل الصور والفيديوهات الشهير "إنستجرام" حيث نشر مقطع فيديو عبر صفحته لأغنية "إبن امبارح" الذي طرحها أول أمس.

وعلق عليه قائلًا: "أنتجت لنفسي أغنية عاملة ايه وبعدها لحظة بعادك وبعدها هيبدأ يتكلم وبعدها جيت متأخر وبعدها دوخناك يا فراق وبعدها هي حكاية وبعدها بُعده فارق وبعدها إبن إمبارح، وفاضل أغنية عيد الحب وبكدة ينتهي مشوار الشتاء، وبعد رمضان إن شاء الله هيبقي في ألبوم وبعده كام سنجل".

وأضاف قائلًا: "شكرًا لكل الصناع من ملحنين وشعراء وموزعين ومصورين، وتيم إدارة الأعمال والسوشيال ميديا اللي تعبوا معايا وشكرًا ليكم كجمهور محترم ومحب وبيشجعني أني أكمل أتمني يكون مجهود الفترة دي عجبكم وحابب أعرف أيه أكثر أغاني في دول حبيتوها واستنوا مفاجآت مختلفة جدًا قريبًا".

ما هي آخر أعمال الفنان رامي جمال ؟

وفي سياق متصل يذكر أنه قد اختتم الفنان رامي جمال موسم الشتاء بأغنية "ابن امبارح" الذي طرحها مساء أول أمس عبر قناته الرسمية بموقع الأغاني الشهير "يوتيوب" وقد لقت الأغنية نجاحًا كبيرًا منذ طرحها وأصبحت التريند رقم 14 على موقع "يوتيوب".

وأغنية "ابن امبارح" من كلمات مودي نبيل، الحان فارس فهمي، توزيع ميكس وماستر محمد شفيق.

ماذا تقول كلمات أغنية "ابن امبارح" لـ رامي جمال؟

مقربتوش ف يوم منى.. ده كان يسمع يادوب عنى وغلطة عمرى هي أنى.. انا اللى عليا كبرته

وماشى يا عينى من خيبته.. يقول للناس انا سيبته وناسى زمان منين جيبته.. ياريتنى ساعتها صورته بقى ابن امبارح الغلبان.. بيتكلموعنده لسان ده كان عامل ملاك بجناح.. لكن معلش انا الغلطان بلعت الطعم وأتشديت.. وقرب منى واهتميت

طلع كداب وفيه أتخميت.. ووشه التانى فعلًا بان مكنش يطول يعيش جنبى.. وقلة أصله مش ذنبى كبر دلوقتى على قلبى.. وشايف نفسه عالأخر

أهو اللى ف صوته بيعلى.. ده كان يتمنى يوصلى

دى وسعت منه بيقولى.. هايمشى  كأنه مش فاكر