يسرا للمصريين: "انزل وشارك مش عايزين نكرر خطأ 2012" (فيديو)
علقت الفنانة يسرا، على مشاركتها في التصويت بالانتخابات الرئاسية 2024، مناشدة المصريين بالنزول والمشاركة وعدم تكرار نفس ما حدث في 2012.
وقالت "يسرا" في اتصال هاتفي على فضائية "دي إم سي" مساء اليوم الاثنين، "النظام كان رائع أنا روحت في وقت قبل بداية فترة الراحة، وشوفت كمية ناس مستنية في الطوابير وأنا خارجة كبيرة واجب وطني وواجب علينا أننا نقف جنب بلدنا في فترة محنة زي ما إحنا متعودين من المصري على كده".
المصري يقف في المحن
وأضافت "طول عمره بيقف في المحن زي المارد زي ما نزل في 30 يونيو وفي 2018 يمكن علشان فيه نظام كل واحد بيأخذ وقته، أنا سعدت بمشاركتي لما روحت في اللجنة وشوفت كم الناس والاستعدادات والتنظيم، ناس راحوا في مناطق السيدة زينب والحسين كانت مليانة ناس".
وتابعت "بقولهم ده حق وطني لا تتنازل عن حقك انزل وانتخب اللي أنت عايزه انزل وحط رأيك بيحصل فرق في الأصوات ممكن يغير كل حاجة وده حصل في 2012 وإحنا مش عايزين نكرر نفس الخطأ تاني".
