أحمد حلمي: "حاسس بالعجز من يوم 7 أكتوبر.. وسناء منصور ضهرنا"
حل النجم أحمد حلمي في ضيافة الإعلامي محمود سعد، في برنامج “ SOLD OUT”، المذاع عبر شاشة CBC بعد إذاعة الحلقة عبر منصة watch it وكشف فيها عن أسرار في حياته الشخصية.
وصرح أحمد حلمي عن اسم عائلته ومعاناته معه بالإضافة لتوجه بالشكر للجمهور، قائلًا: “اسم العائلة عواد كنت بتذل به زمان ومكنتش بحب أقوله زمان.. أنا بشركم جدًَا على الحضور كبيرة عندي أنكم تنزلوا من البيت تحضروا اللقاء مع العبقري الأستاذ محمود سعد”.
أحمد حلمي عن أصعب لحظات حياته:"لحظة الحزن بتكرر كتير من يوم 7 أكتوبر"
وأردف أحمد حلمي قائلًا: “ أتمنى لحظ الفشل متجيش لأن لو وصلت دي بتكون النهاية ومشوار النجاح زي السلم والتعبان”، وعن أصعب اللحظات: “لحظة الحزن بتكرر كتير من يوم 7 أكتوبر دي لحظات عمري ما عشتها في حياتي، وحسيت بالعجز وأتمنى صمود الأشقاء ينتهي بالنصر”.
كما كشف أحمد حلمي عن جملة مؤمن بها: “نفسي أرجع أعيش الأيام اللي مكنتش فاهم حاجة دي لحظة حلوة وفي جملة مؤمن بها أنت تعيش في نعيم لأن متعرفش اللي أنا عارفه، لما تاخد بالك من نجاحك ممكن تفشل ولكن مركزش في النجاح عشان ماتفشلش، بتحس أنك حصلت على الدنيا لما بتوفق في عملك، وكتر القراءة بيعرفك حاجات ولازم عشان تفهم يكون عندك وجهة نظرك لكن الدنيا مستحيل تتفهم”.
أحمد حلمي يتحدث عن سناء منصور
كما تحدث أحمد حلمي عن سناء منصور، حيث قال: “هي ضهرنا مهما عملنا بنقولها منبى ماسبيرو، كان صعب أني أدخله وقابلت سناء منصور هناك وطلبت منها أشتغل في الإخراج ووافقت، وأشتغلت في برنامج أحلام العصافير مساعد مع صديقي محمد خلف للأطفال”.
وأختتم حلمي قائلًا: “مسكت الميكرفون واتكلمت مع الطفل نحو نص ساعة والمخرج صور كتجربة وعجبهم وسناء منصور طلبت تشوف الفيديو وضحكت جدًا وطلبت 30 حلقة من الفكرة دي، سناء منصور قالت لي محدش هيقدم البرنامج غيرك”.
