"مصر نجحت في الامتحان".. تامر أمين معلقا على موقف القاهرة من الحرب على غزة
أشاد الإعلامي تامر أمين، بدور مصر في مواجهة الحرب الإسرائيلية على قطاع غزة، مؤكدًا أن "مصر نجحت في الامتحان"، وهو ما يحدث في كل مرة يتعرض فيه هذا البلد للامتحان.
إجابات مصر نموذجية
وقال تامر أمين، خلال حلقة اليوم الأحد، من برنامجه "آخر النهار"، المذاع عبر فضائية "النهار"، إنه "في كل مرة البلد دي بتمتحن وتجاوب صح وتنجح في الامتحان"، لافتًا إلى أن الامتحان صعب منذ بدء الأحداث في غزة في 7 أكتوبر الماضي، مؤكدًا أن إجابات مصر في هذا الاختبار نموذجية، وليست مجرد نجاح عادي، لافتًا إلى أن القيادة السياسية والدولة والشعب هم من صنعوا الفرق، قائلًا: "بصوا على مواقف بقية الدول"، وماذا فعلت عندما تم وضعهم في الامتحان.
نديهم فرصة يرجعوا للحق
وأشار تامر أمين، إلى أنه لن يذكر أسماء بلدان، قائلًا: "النصيحة على الملأ فضحية.. ونديهم فرصة يرجعوا لضمايرهم ويوحدوا بالله صح.. نديهم فرصة يغلبوا الحق على المصلحة والانبطاح للغرب والحفاظ على الكراسي.. نديهم فرصة يتوبوا".
الفضايح جاية
وهدد تامر أمين بأن وقت الصمت لن يستمر، مؤكدًا: "مش وقت فضايح.. لكن خلوا بالكم وقتها جاي، لأن اللي هيتمادى في الاستهبال واللي هيتمادى في النوم وخيانة القضية ـ وأقصد قضية الحق وليس القضية الفلسطينية فقط ـ هنا مفيش وسط ومساحة رمادية.. يا أقف مع الحق أو أقف مع الباطل وأبقى لسان للشيطان".
وتابع: "يا أيها الدول ارجعوا للحق ولضمايركم.. والحق احق أن يتبع".
ناس سابت الامتحان ومشت
ووجه تامر أمين كلامه للشعب المصري: "علشان تفرح ببلدك وبنفسك.. بص على إجابات بلدك النموذجية في الامتحان وبص على إجابات الدول التانية... فيهم اللي إجابته نص نص.. وفيه اللي ساب الصفحة فاضية.. وفيهم اللي ساب الامتحان ومشي علشان كان تقيل عليه، ورمى نفسه تحت القطر، وناس جاوبت بره الأسئلة".
وأشار تامر أمين إلى أنه في وسط المعمعة، خرجت مصر وطالبت كبار العالم بمؤتمر لحل المشكلة، فالعالم كله جاء عن بكرة أبيه ليشارك، "لكن علشان انت مصر وتقيل ومؤثر، مفيش كرسي كان فاضي ومفيش دولة كبيرة كانت غايبة".
