عمرو أديب يذيع حلقة برنامجه من لندن ويكشف حقيقة منعه من العودة لمصر
رد الإعلامي عمرو أديب، على المشككين في مسألة سفره للخارج في لندن، مؤكدًا أنه سيعود غدًا لاستكمال عمله بشكل طبيعي، ولا حقيقية لما يشاع عن هروبه أو منعه.
وقال الإعلامي عمرو أديب، خلال الحلقة الأولى من الموسم الجديد لبرنامجه "الحكاية"، المذاع عبر فضائية "إم بي سي مصر"، من لندن، مساء اليوم السبت: "ما شفتش حد معارض خالص في دماغه إزاي هتتعامل بشكل طبيعي.. كلهم ولا أستثني أحدًا يفكرون بطريقة: (تتطربق على دماغ الكل).
وتابع أديب: "طيب ماشي.. وبعدين؟ ما المرة اللي فاتت اتطربقت وما عرفناش نروح فين، والناس وقفت في الميدان.. طب نروح يمين، نروح شمال، راح جاي الباشا أخدها وجري.. وإخوان"
سأكون رقيبًا
واستطرد: "على فكرة أنا لم ولن أقول لحضرتك اختار مين.. لم أفعلها ولن أفعلها.. اختار اللي أنت عايزه، وسأكون بقدر الإمكان رقيبًا إنه ما يبقاش في حركات بلدي من اللي اتعودنا عليها".
وشدد أديب على أهمية الدولة المصرية، قائلًا: "يا جماعة على فكرة مصر دي بلد محترمة.. ادخل بقى وريني كيف ستمارس مصريتك، وكيف ستكون واعيًا، لأن الحالة مش مستحملة".
لا هربان ولا ممنوع
واستطرد أديب: "عمركم ما هتسمعوا الكلام ده على تلفزيون من حد، وأنا بقول لكم أهو أنا مش هربان لأن الهري هو عمرو أديب راح فين زي كل مرة؟ أنا زي كل مرة في إجازة، وكان عندي شغل هنا مهم وهخلصه بكره أو بعده وهرجع إن شاء الله.. راجع ما فيش أي حاجه، لا أنا هربان ولا نطيت من المركب".
