عالم كدابة لـ حمزة نمرة تحصد المركز التاني تريند يوتيوب
يتفوق حمزة نمرة في احتلال صدارة تريند يوتيوب بأغنية الأول مرايات بالمركز الأول وعالم كدابة بالمركز الثاني، ويستعد حمزة نمرة لطرح اغنيتين جداد ليختتم بهم ألبوم رايق.
ما نسبة مشاهدة عالم كدابة ؟
حققت أغنية عالم كدابة نسبة مشاهدة عالية حيث تقترب من 3 مليون مشاهدة في 12 يوم فقط من طرحها.
تفاصيل أغنية عالم كدابة
أغنية عالم كدابة ألحان عمرو الشاذلي، وأحمد الشاذلي ومن كلمات حسام سعيد، توزيع وميكساج عمرو الخضري، جيتار مصطفي نصر، صولو أورج محمود شامي، ربابة أمير سرور.
كلمات الأغنية
شافوا عندي حاجة حلوة حبوا منها يخطفوا
قربوا مني زيادة وطبلولي وسقفوا
ولما أخدوا كل حاجة ومني شبعوا
واكتفوا.. اختفوا.. اختفوا
عيش وملح.. أصول وعشرة كل دول اتبخروا
واللي ياما جريت عشانهم عني هما اتأخروا
ده اللي يلقى واحد أصيل
في الزمان ده يقدّره ويبخّره ويبخّره
آه ياناس مش صافية جبتولنا الكافية
ضمايركوا بعافية مفيكوش غير عين
يا نفوس قلابة يا عالم كدابة
بتقولوا غلابة ده غلابة مين؟
آه ياناس مش صافية جبتولنا الكافية
ضمايركوا بعافية مفيكوش غير عين
يا نفوس قلابة يا عالم كدابة
بتقولوا غلابة وانتم ملاعيين
عندهم ميت ألف وش ووشهم ولا تعرفه
مقنعين جدًا وصعب حد فيهم تكشفه
كل يوم بيمثلوا وكل يوم بيألفوا
وبيحلفوا.. بيحلفوا
يضربوك في الضهر وأما يشوفوك يتبسموا
يدخلوا الدخلة اللي هيه ويفضلوا عليك يرسموا
عندهم عين لو تبص على الحجر دي
هتقسموا..وتسممه.. تسممه
آه ياناس مش صافية جبتولنا الكافية
ضمايركوا بعافية مفيكوش غير عين
يا نفوس قلابة يا عالم كدابة
بتقولوا غلابة ده غلابة مين؟
آه ياناس مش صافية جبتولنا الكافية
ضمايركوا بعافية مفيكوش غير عين
يا نفوس قلابة يا عالم كدابة
بتقولوا غلابة وانتم ملاعيين
حمزة نمرة يستكمل مسيرة نجاح الألبوم بجولات غنائية فى دولتى أمريكا وأوروبا
وفي سياق آخر، يستعد الفنان حمزة نمرة لإحياء حفلًا غنائيًا بالعاصمة الأمريكية واشنطن يوم 8 سبتمبر، ثم ديربورن بولاية ميشيغان الأمريكية، وصولا لليوم الثالث بحفل في ولاية شيكاغو، قبل أن يتجه إلى أوروبا ليحيي حفلًا في باريس يوم 15 سبتمبر، مرورا بعدها بيوم بمدينة اوترخت الهولندية، ليضع مسك الختام على جولة حفلاته في مدينة مالمو بالسويد 17 سبتمبر.
