بالأصفر.. بوسي تلفت الأنظار بإطلالة ناعمة (صورة)

حرصت المطربة بوسي، على مشاركة متابعيها جلسة تصوير جديدة لها عبر حسابها الشخصي بموقع تبادل الصور والفيديوهات "انستجرام".

إطلالة بوسي

وظهرت بوسي بإطلالة جذابة ترتدي فستانا بالون الأصفر اتسم بصيحة الكتف الواحد، وهو ما أبرز رقة وجمال إطلالتها، واعتمدت مكياجا صاخبا أبرز جمال ملامحها، مع تسريحة شعر ملفتة.
 

قضية طليق المطربة بوسي

كشفت التحقيقات في القضية رقم 2409 - 2023 جنح المقطم والمتهم بها هشام ربيع زوج المطربة بوسي بالاعتداء على شخص وسرقة شيكات وأوراق خاصة بالمنتج وليد فطين طليق المطربة.

أقوال المطربة بوسي

وينشر "الطريق" نص تحقيقات القضية وجاءت أقوال المطربة بوسي كالتالي:

س: ما قولك فيما أقر به المتهم هشام ربيع بتحقيقات النيابة العامة؟

ج: أيوه هو ده اللي حصل زي ما قال هشام لإن كفتة جاله المحل وقاله إن فيه شيكات خاصة بزوجتك بوسي فبناء على ده هشام خلى مدير أعماله هو اللي يتعامل مع كفتة علشان يشوف الشيكات والأوراق وإيصالات الأمانة.
 

س: هل دار حوار بينك وبين سالف الذكر بشأن ذلك؟

ج: لا هو متكلمش معايا في أي حاجة لإنه كان مستني مدير أعمال جوزي يرد عليه باللي تم في الاتفاق وبيتأكد إذا كان فيه ورق ولا لا.
 

س: وما قولك فيما شهد به طليقك وليد فطين بتحقيقات النيابة واتهامه لزوجك بسرقة الشيكات؟

ج: كل كلامه ده كذب وغير صحيح هو مضى العقد المؤرخ في 10-6- 2020 بمحض إرادته ولم يكن تحت أي إكراه وواخد مبلغ 5 ملايين جنيه مقابل ده والعقد ده كان يشمل عدم وجود أي شيكات أو إيصالات أو دعاوى مدنية أخرى وفي حالة ظهور أي حاجة يكون هو المسؤول قانونيا عن ده وأنا على حد علمي إن مفيش أي شيكات معاه أصلا وهو اللي بعت كفتة لهشام جوزي.

س: بمَ تبررين ادعاءه بذلك؟

ج: أنا معرفش هو بيقول كده ليه وأنا نفسي أشوف الشيكات دي فين أصلا لإني في 2020 استلمت منه الشيكات والإيصالات وكان قايلي إنه مفيش أي حاجة تاني.

س: وأين يوجد أصل عقد التصالح المؤرخ في 10-6- 2020.
 

ج: معايا العقد ده

س: وأين تم تحرير ذلك العقد؟

ج: أنا مش متذكرة العقد ده اتعمل فين بس هو فيه طرف شاهد عليه وهو محمود الليثي المغني.

س: هل وقع وليد محمد عاشور "فطين" على ذلك العقد برغبته؟

ج: أيوه هو وقع برغبته بعد ما أخد الفلوس.

آخر أعمال بوسي

ويذكر ان آخر أعمال الفنانة بوسي هي أغنية ارقص معايا، والتي طرحتها من خلال قناتها الرسمية بموقع الفيديوهات الشهير يوتيوب، وحققت الأغنية نجاح كبير منذر طرحها حيث تصدرت تريند مواقع التواصل الاجتماعي، وموقع الفيديوهات يوتيوب منذ عرضها ولفترة طويلة، والأغنية من تأليف هاني عبد الكريم ومن ألحان مدين ومن توزيع يحيى يوسف.