تامر أمين يكشف حقيقة انتقال محمد صلاح إلى السعودية
كشف الإعلامي تامر أمين، حقيقة انتقال محمد صلاح، لاعب فريق ليفربول الإنجليزي، إلى نادي اتحاد جدة السعودي، مشيرا إلى أن صفقة "صلاح" أثارت حالة من الجدل في الأوساط الرياضية العالمية.
شطارة وذكاء صلاح
وقال أمين خلال تقديمه لبرنامج "آخر النهار"، عبر فضائية "النهار"، مساء الأربعاء، إن الكلام كان الأسبوع اللي فات إن صلاح خلال ساعات سيكون في السعودية، معلقا: "شطارة وذكاء صلاح إنه مبسوط بالفيلم العربي اللي حاصل، فمبيكلمش ولا بيدي إشارات ولا غمزات ولا حاجة أبدًا، سايب الكل يتكلم ويفك طلاسم اللغز، حد يبقى حديث العالم وهو اللي يوقف الحديث في نفسه!".
وضع صفقة انتقال صلاح إلى السعودية
وأوضح أن وضع صفقة انتقال صلاح إلى السعودية يعاني من تناقض شديد، حيث أعلن المدير الفني لفريق ليفربول يورجن كلوب رفض بيع النجم المصري بشكل قاطع، وفي المقابل أعلنت صحيفة كبيرة سعودية أن صلاح سيكون في المملكة منتصف الأسبوع المقبل، وقالت شبكة ESPN العالمية في تعليقها على الصفقة "قضى الأمر صلاح في السعودية الأسبوع المقبل".
محدش فينا وصى على صلاح
وتابع “محدش فينا وصى على صلاح، هو اللي عارف مصلحته ومصلحة عائلته ومستقبله، لكن إحنا من حقنا نقلق عليه، إحنا مش هنستفيد حاجة لو صلاح فضل في ليفربول، ولا هيدينا جنيه من العرض الخيالي اللي معروض عليه من اتحاد جدة”.
إحنا حابين لصلاح الخير
وأكمل: "إحنا حابين لصلاح الخير ويفضل دايما منور وواحد من أساطير الكرة، ويا رب قبل ما يعتزل يأخذ (البالون دور) خلوا قلقكم على صلاح دعم وتشجيع مش تكسير وتوتر وتشتيت، إحنا في ضهرك يا صلاح أي كان قرارك".
