"كفاية مشاكل".. ماذا قال ميدو عن أزمة شيكابالا مع مرتضى منصور؟
تحدث الإعلامي أحمد حسام ميدو، عن أزمة مرتضى منصور رئيس نادي الزمالك المعزول مع محمود عبد الرازق شيكابالا قائد فريق الكرة الأول بنادي الزمالك.
ماذا قال ميدو عن أزمة شيكابالا مع مرتضى منصور؟
وقال ميدو في تصريحاته عبر برنامج الريمونتادا على قناة المحور: "الزمالك عنده مشاكل كتيرة جدا الكل عارفها ومش محتاج مشاكل زيادة، حتى لو في مشكلة لازم نتجنبها دلوقتي لو من جوا النادي".
وأضاف: "الكلام اللي قاله مرتضى منصور فيما يخص شيكابالا مكانش وقته إنه يتقال، والبعض بيحاول يستغل الأزمة عشان يطلع ترند".
وواصل: "بطالب المستشار مرتضى منصور، أرجوك كفاية خناقات ومشاكل الزمالك مش محتاجها دلوقتي، في حاجات لازم تعديها، النادي بيمر بوقت صعب وكل الناس اللي عايشين في النادي عارفين ده".
واختتم: "مينفعش نزود المشاكل الخاصة بالنادي، وشيكابالا لا يستحق هذا الهجوم بكل صراحة، وشيكابالا ملوش أي ذنب في إن في فلوس متأخرة على سبورتنج لشبونة".
