بعد ساعات قليلة من طرحهما.. حمزة نمرة يتصدر تريند يوتيوب بأغنيتي "لعله خير وأنا الطيب"

تصدرت أغنيتي «لعله خير وأنا الطيب» للمطرب حمزة نمرة التريند عبر موقع الفيديوهات الشهير «يوتيوب»، وذلك بعد طرحهما قبل ساعات قليلة ماضية عبر منصات الموسيقي المختلفة واليوتيوب.
 

ويواصل حمزة نمرة نجاحته بألبومه الغنائي الجديد «رايق»، واستطاع أن ينفرد بـ 3 أغانٍ جديدة من الألبوم فى صدارة يوتيوب الموسيقي، حيث احتلت أغنية «أنا الطيب» المركز الرابع فى تريند يوتيوب الموسيقي، وتليها أغنية «لعله خير» فى المركز الخامس.

ويقدم حمزة موسيقي مختلفة فى ألبوم «رايق»، حيث تتنوع إيقاعات الأغاني بين الموسيقى الشرقية والفيوجن والشعبي مع الفلامنكو والأفروبيت.

وجاءت أغنية «أنا الطيب» من كلمات محمود فاروق، ألحان حمزة نمرة، توزيع وميكساج عمرو الخضري، جيتار مصطفي نصر، أكورديون وربابة محمود شاهي، ناي محمد عاطف، بينما أغنية «لعله خير» من كلمات عمر طاهر، ألحان حمزة نمرة، توزيع وميكساج كريم عبد الوهاب، جيتار مصطفي أصلان، تنفيذ وتريات أحمد عاطف.

وتقول بعض كلمات أغنية «أنا الطيب»:-

أنا الطيب وعامل فيها مش طيب
علشان الناس بقت بتدوس على الطيب
ومين كان حس بينا يا دمعي يا قريب
بمثل اني مش طيب علشان انتو
ديابة ولازم انتش لقمتي منكم
وليه يا زمن بقى الطيب بتعيب
عامل قاسي وجواية مفيش قسوة
مليش غير قسوتي عزوة
بتدو الحق للأقوى
وبتيجو تملي على الطيب
وشراني لكن من جوة وحداني
وياما صرخت أه ياني
ودوستوا على الجراح تاني
مشفتش حد بطيب
عامل جامد لكني ورا الحيطان عيل
ولما الدنيا بتليل بشيل وشي اللي بمثل
وأروح أنام ع الجانب الطيب
يا ناس يا ناس واقف مبلم
يارب حوش يارب سلم
دانا اتجرحت جرح علم

وجاءت كلمات أغنية «لعله خير» كالتالي:-

النجوم مرصوصة كده رصة أبهة
واللي كان حازز ف قلبي خلاص انتهى
النجوم مرصوصة كده رصة أبهة
واللي كان حازز ف قلبي خلاص انتهى
فرصة سعيدة أيها الليل اللي جي
الضلمة بتبروز ساعات في القلب ضي
فرصة سعيدة أيها الليل اللي جي
الضلمة بتبروز ساعات في القلب ضي
ولعله خير
يا نجوم بترقص في السما لعله خير
لعله خير
يا نجوم بترقص في السما لعله خير
سكر خفيف الشاي عملته وجيت
وقلت بس ياريت الدنيا تسمعني
ورا الإزاز واقف موارب شيش
ومن الليلادي مافيش
قوة هتمنعني
قال القمر قرب هنا أسهر معاك
عندي خبر بس انت رد الباب وراك
قال القمر قرب هنا أسهر معاك
عندي خبر بس انت رد الباب وراك
ولعله خير

أغنية رياح الحياة تتصدر تريند رقم 1 على اليوتيوب

حقق المطرب حمزة نمرة نجاحًا كبيرًا برابع أغنيات الألبوم «رياح الحياة»، وتصدرت الأغنية التريند رقم 1 على يوتيوب الموسيقي، واحتلت قائمة الأغاني الأكثر استماعًا وتداولًا في مصر والوطن العربي.

ووصلت أغنية «رياح الحياة» لـ 3 مليون مشاهدة في أسبوع فقط من طرحها عبر موقع الفيديوهات الشهير «يوتيوب»، وهى من كلمات محمود فاروق، ألحان حمزة نمرة، توزيع وميكساج كريم عبد الوهاب، جيتار مصطفي أصلان، باص جيتار أحمد رجب، تنفيذ وتريات أحمد عاطف.