أغنية "رياح الحياة" لـ حمزة نمرة تحقق مليون و700 ألف مشاهدة
حققت أغنية «رياح الحياة» للفنان حمزة نمرة نجاحًا كبيرًا ومشاهدات عالية وصلت إلى مليونا و700 ألف مشاهدة، في أقل من 4 أيام من طرحها عبر موقع الفيديوهات الشهير «يوتيوب» ومنصات الموسيقي المختلفة.
وتصدرت أغنية «رياح الحياة» التريند رقم 1 علي اليوتيوب الموسيقى، واحتلت قائمة الأغاني الأكثر استماعًا وتداولًا في مصر والوطن العربي، وجاءت كلمات الأغنية للشاعر محمود فاروق، ألحان حمزة نمرة، توزيع وميكساج كريم عبد الوهاب، جيتار مصطفي أصلان، باص جيتار أحمد رجب، تنفيذ وتريات أحمد عاطف.
وطرح نمرة حتي الآن 4 أغنيات وهما «رايق، غروب، إسكندرية، رياح الحياة»، من ألبومه الغنائي الجديد «رايق»، الذي يتضمن 13 أغنية يتم إطلاقهم بشكل فردى بواقع أغنية جديدة في الأربعاء من كل أسبوع عبر المنصات الإلكترونية المختلفة على مدار موسم الصيف الحالي، وسيتم إصدار الأغاني بشكل كليبات مصورة أسبوعيًا، حيث يختتم أغنيات الألبوم في 6 سبتمبر القادم بأغنيتي «يا سفينة»، و«رجعنا لوجع القلب».
كلمات أغنية «رياح الحياة»:-
تهبي يا رياح الحياة
ديمًا بما لا أشتهيه
واللي السنين مقدماه
غير اللي قلت نفسي فيه
يلاقي قلبي فين دواه
واللي أذاه أقرب ما ليه
ده جرح ببعلّم!
وصعب تسكن الآلام
وأخرج من اللي فات سليم
وصعب لمّا اروح أنام
ما أفضلش أراجع القديم
طلع مُكلّف العلام
وخدت درس في الصميم
ولسه بتعلّم
ركز يا قلبي في اللي جاي
وألف شكر للي باع
ما صانش حتى بوء شاي
سلام يا ٣٠٠ وداع
واللي لقانا ما يساعوش
فخانة الوداع تساع
مشاعرنا مش لعبة
ما تتشغلش باللي فات
خليك يا قلبي في المفيد
كبر لأي ذكريات
ركز وبس في الجديد
لازم تقسّم الخانات
بمين قريب ومين بعيد
الحسبة مش صعبة
فرحت م الساعات ساعات
ودقت م الحاجات حاجات
وعشت م السنين سنين
ونابني م اللي فات فتات
وم الحبيب جواب حزين
وأسئلة بلا إجابات
حيرة ورا حيرة
حتى السعادة يوم ويوم
حتى المحبة خد وهات
وكل كوم وكومي كوم
زمن بيرمي إفيهات
وزي عادتي اصوم اصوم
واسد جوعي ذكريات
وافضها سيرة
آخرتها يا زمن عنيد
كله سبق وانا الوحيد
اللي مشيت ورا سراب
واللي بدأت من جديد
الكل شاف اللي وراه
حاسبت انا ع المشاريب
لوحدي كالعادة!
مش باقي غيري في المكان
مش باقي حاجة من اللي كان
مش باقي غير وجع زمان
وهمس ذكرى في الودان
طاوعت حظى لما قال
أصبر لكل شيء أدان
يا حظ ما تأدن!
