نجم الأهلي يشن هجوميا ضاريا على صفحات مواقع التواصل الإجتماعي
قام أحمد عبد القادر نجم النادي الأهلي بشن هجوما ضاريا على صفحات الجماهير الأهلاوية على مواقع التواصل الإجتماعي.
عبد القادر يهاجم صفحات جماهير الأهلي
وقال عبد القادر عبر حسابه الرسمي عبر مواقع التواصل الإجتماعي “فيسبوك”: “جمهور الاهلي أكبر منك يا شوية هايفين سواء الأهلي اليوم أو ماجيكانو ياللي بتقبضو الفلوس علشان تعللو ده وتوطو ده انا موسم كامل ساكت مفتحتش بوقي ومش هفتح بس فيه وقت لازم تتقو ربنا فيه جو الادمن بتاعكو والفلوس اللي بتتوزع عليكو وقدام عيني وحد عرض عليا اعمل حملات”.
وتابع “هجص ولقطة وهنعليك وهنخليك في السما دا مش عندي انا ربنا بيكرمني علشان انا عارف انا بتعب ازاي وهفضل طول عمري شريف مش بتاع الف والفين جنيه ابيع بيهم كرامتي فا بلاش انتو علشان انتو لا تمسو للنادي الأهلي بأي شئ".
وأضاف “النادي الأهلي اكبر نادي في العالم مش في مصر فا اللي انتو عاوزينو ده مبعملوش والاجازة يا انا يصفحاتكو اللي كلها نفاق ورشاوي وبقولها لاخر مره انا بتاع شغل مش بتاع رشاوي وبعدين لقطه ركز جو الملعب وسيبك منهم رد في الملعب”.
وأشار “رد في الملعب ايه ما تنضجو شوية لما حد بياخد فلوس ويغلط فيك سنة كاملة واكتر ويشتم اهلك تقولي رد في الملعب ولما ترد يقولك متركزش معاهم مين قال انهم فارقين معايا اصلا
وأتم "ولو انتو فعلا عندكو ذره ثقه وقلبكو كان جايبكو مكنش البوست اتمسح بعد ساعة علي طول بس انا اللي هنزله صباح الفل وجمعة مباركة”.
