عقب هجوم الجمهور عليه بعد دعمه لـ عمرو مصطفى.. سامو زين: "محدش يقدر يقول أنا عملت عمرو دياب"

رد الفنان سامو زين، عن الهجوم الذي تعرض له من قبل رواد مواقع التواصل الاجتماعي بعد دعمه ومدحه لـ عمرو مصطفى، وخصوصًا بعد معرفته بتصريحات عمرو مصطفى حول أنه من صنع عمرو دياب.

وكتب سامو زين عبر صفحته الشخصي بموقع التواصل الاجتماعي "فيسبوك": "أنا من جمهور عمرو دياب ومن سنين  فبلاش الكلام يبقي بالطريقة دي عليا أنا بالذات طول عمري بحالي ومع نفسي بشغلي والهجوم يبقي بالشكل ده وكمية المسدجات إللي بتجيلي من كثير من الناس والاصدقاء والفنانين".

سامو زين: ده حق عمرو مصطفى بحكم الخبرة والمذاكرة

وأضاف زين: "أنا بتكلم علي حق عمرو مصطفى وده حقه بحكم الخبرة والنجاح والمذاكرة والسفر والتطوير ده ليه إيجابيات كثيرة يا جماعة ولازم تحترم جدًا جدًا مينفعش بجد وأمور كثيره هذا الجيل يجب أن يطلع عليها ويعرف أن هذا الفنان صنع تاريخ كبير لمصر والوطن العربي وما زال يفعل وسجل اسمه كملحن تقيل جدًا التاريخ لا ينسى لو نسيتو الكلام ده بس صدقوني لو نسيتو الكلام ده عمركم مهتلاقو تاريخ يفتكركم كل التحية لشجاعة هذا الفنان الكبير والملحن الأعظم في تاريخ هذه الصناعة في السنوات الأخيرة وكل ما يقوله حقيقي ١٠٠ في المية وحقه وحقنا كلنا".

سامو زين: عمرو دياب عمل نفسه بنفسه

وتابع سامو زين: "تملى معاك عمرو دياب نجم كبير ونجم العالم كله وليه مكانته الفنية الكبيره عالميًا ونحن جميعًا فخورين به لا ندعو إلا إننا ربنا يباركنا فيه ولا أحد في الكوكب يقدر يقول إن عمرو دياب حد عمله هوا عمل نفسه بنفسه وبتعبه ومجهوده سنين طويلة أنا بتكلم علي حاجات تانية يا جماعه بتكلم علي حاجات تختص كملحن كبير فقط لا غير معاه في حاجات ومش معاه في حاجات مش أكثر".

وكان قد نشر سامو زين منذ ساعات منشور يدعم فيه عمرو مصطفى، معلقًا:" بما إن ليا مقابلة مهمة جدًا هتنزل الفترة الجاية سألت عن رأيي في عمرو مصطفي واللي بيحصل كان جوابي واضح وصريح هو أنه من أهم والأهم وحالة فريدة وليه الحق تمامًا بكل اللي بيعمله واللي بيطالب بيه من الملحنين والفنانين وحالة لا تكرر كثيرًا  في هذا الزمن لعدة أسباب في رأيي الشخصي إن عمرو بيسافر كتير وبيسمع كتير وفعلا قدر يعمل تركيبه عربية أوروبية ومعتقدش ان في حد يقدر يوصل للوصله فكريًا وذهنيًا وفنيًا عمرو مصطفي اشتغلت معاه أغنية واحدة فحياتي وأنا سعيد بيها طبعا في حجات كتير إتقالت هتشوفوها وهتسمعوها ربنا يستر ومحدش يزعل مني".

وتابع:" ملحوظه سألت عن هذا الموضوع بما إني منتج أغاني الورد الاحمر وقربي ليا وكثير من الاغاني وعضو في جمعيه الملحنين والمؤلفين فكنت لازم أرد بكل وضوح  وصراحة".

آخر أعمال سامو زين

وكان آخر ألبومات سامو زين بعنوان لو عمرى يرجع، والذي طرحه عام 2018، والألبوم كان يحتوى على أغاني، لو عمري يرجع، أول ما تبتسميلي، الزير، حب أحلى سنين، قلبي عليك بيكلمني، الأسطوانة المشروخة، هو ده حبيبي، ولا حد يوصله.