رامي صبري لـ عمرو مصطفى: "لو أنا عندي مشاكل نفسية مكنتش خليتك تغني تاني"
حل الفنان رامي صبري ضيفًا على برنامج "أجمد 7" الذي تقدمه الإعلامية "جيهان عبد الله" عبر قناة نجوم "إف أم".
وعلق رامي صبري على ما ص الفنان عمرو مصطفى في برنامج "حبر سري" الذي تقدمه الإعلامية "أسما إبراهيم" حيث وجه للفنان رامي صبري إتهام بسرقة لحن أغنيته "رقصة" وأنه أضاف اللحن إلى أغنية "يمكن خير".
وعلق رامي صبري قائلا: "بجد بصفة أننا أصدقاء وعشرة سنين أنا عايز عمرو مصطفي يركز بجد لأنه فنان بجد وموهوب جدًا، وعمل أغاني كتير جدًا في مسيرته سواء للفنان عمرو دياب أو حماقي وفنانين كبار كتير، حتى لو الفترة دي بالنسبة له عدت ميفضلش يخبط في باقي الفنانين وتعمل خلافات مع أغلب الناس لأن اكيد لما تعمل ده إحنا هنضايق منك".
وأضاف: "أنا اضايقت منه جدًا، لأن أنا مبحبش التقليل من قيمة الناس أنا معنديش مشكلة تقول عليا صوتي وحش الأغاني بتاعتي وحشة مش بعجبك عادي تمام لأن ده رأيك، لكن تطلع تقول أنا سرقت منك، لأن انا راجل دارس موسيقي يعني متخصص أنا متخرج من معهد الموسيقى العربية قسم تأليف موسيقي يعني زي عمر خيرت، ياسر عبد الرحمن، يعني موسيقار المفروض، وهو كلية حقوق".
رامي صبري: الأستاذ لما يجي الطالب يتكلم معاه مش هنتساوى
واختتم قائلًا: "يعني الأستاذ لما يجي الطالب يتكلم معاه مش هنتساوي، لو أنا عندي مشاكل نفسية مكنتش خليتك تغني تاني، بس عشان انا مهذب ومحترم ومتربي كويس هعديها وأكبر دماغي عشان مراته ست محترمة، وولاده زي ولادي".
تفاصيل أغنية "يمكن خير"
الجدير بالذكر أن أغنية "يمكن خير" تنتمى إلى نوعية الأغاني الدرامية الحزينة، ويعبر فيها رامي صبري عن حزنه بعد فراق حبيبته، ثم ينتقل إلى فترة النسيان والتأقلم على عدم وجودها واستكمال حياته.
وأغنية "يمكن خير" من كلمات أحمد على موسى ومن ألحان رامي صبري وتوزيع وميكس ماستر طارق توكل.
كلمات أغنية "يمكن خير"
وتقول كلمات الأغنية:-
ولا وقته اننا نتحاسب ولا وقته إني ألوم ولا اعاتب
إيه إيه هيفيد
على اد ماقلبي وجعني وانا شايفك جاي تودعني وماشي ماشي بعيد
يمكن خير
ومين يندم على اللي يبيع سنين ويهد أحلامه في يومين ويبيع اوام
هنساك واعيش واهو حب راح وخلاص مفيش لهواك مكان ميهمنيش
خلص الكلام
ولا وقته اننا نتحاسب
يمكن خير عشان كان لازم ابعد من زمان
انا وانت ميسعناش مكان والبركة فيك
موضوعنا مات مبقاش خلاص في معجزات وبلاش نقلب في اللي فات راح عليه.
