نقابة الممثلين تطلب من الشركة المنتجة لمسلسل "ليه لأ" حذف هذا المشهد.. فما السر؟!

أصدرت  نقابة المهن التمثيلية برئاسة دكتور أشرف زكي، بيانًا تستنكر فيه ما جاء فى أحد المشاهد فى الجزء الثالث من مسلسل "ليه لأ".

مسلسل ليه لأ الجزء الثالث 

َويذاع مسلسل" ليه لأ" الجزء الثالث علي إحدى المنصات الرقمية "شاهد"،وجاء المشهد الذي استنكرته نقابة المهن التمثيلية كالتالي: حيث دار حوار بين اثنتين من الممثلات أبطال العمل حول كلية الآداب قسم علوم المسرح، وأن التمثيل "اللي بجد" فى أكاديمية الفنون.

مشهد مسلسل" ليه لأ "الذي استنكرته نقابة المهن التمثيلية 

والجدير بالذكر ان الفنان محمد علي رزق هو الذي تحدث عن الموضوع، حيث نشر الفنان محمد علي رزق عبر حسابه الشخصي بموقع التواصل الإجتماعي "فيسبوك" المشهد من المسلسل الذي آثار الجدل وعلق عليه قائلًا:"بتفرج على مسلسل #ليه_لأ الجزء التالت…و منكرش حبي الشديد لمسلسل ليه لأ من الجزء الأول علشان بيناقشوا قضايا مهمة وبشكل مختلف وفكل مره قدروا يلمسوا الناس وفي الجزء الأخير بيناقشوا  قضية مهمة جدًا  ومنتشرة بنسبة كبيرة أوي في مجتمعنا الشرقي

بس شوفت مشهد عزومه في حلقة ٨ وفجأه في أخر المشهد إتنين ممثلات  لطاف جدًا

#ياسمين:- وحضرتك بتّدرسي فين؟


#منه:- لا أنا بدّرس في أداب مسرح

#ياسمين بجد

#منه:- أوعي تقولي عاوزه تمثلي

#ياسمين:-لا صاحبتي ندى بتحب تغني وتمثل ونفسها تتعلم تمثيل

( تقوم أستاذة منه إللي بتّدرس في أداب مسرح تقولها إييييه. )

#منه:-   هو إحنا مش بنعلم تمثيل أوي يعني..أكاديمية الفنون هي بتاعت التمثيل إللي بجد

نعم؟! 
ده بجد؟!

طبعًا أكاديمية الفنون البيت الكبير والصرح إللي طول عمره مليان أساتذة كبار وطلع أجيال كتير مهمة

تصحيح للأساتذة إللي كتبوا المسلسل لا يا فندم قسم أداب مسرح بيعلم تمثيل بجد…و فيه نجوم خريجين قسم أداب مسرح  زي فتحي عبد الوهاب وسامح حسين وأحمد فتحي وياسر الطوبجي وغيرهم كتييييير أوووي وفيه دكاترة محترمة بتعلم التمثيل إللي بجد

و أنا بتشرف أني خريج كلية الأداب قسم علوم المسرح

#تعديل

كنت أتمنى مناقشة المشاكل إللي بتقابلها أقسام المسرح في أغلب الجامعات 
زي النظر لينا نظره  إيه الهبل ده وإن كل أقسام كلية الأداب شايفين إننا عيال هايفه علشان بندرس فن 
و يقعدوا يتريقوا لعدم فهمهم قيمة القن إللي كنا بندرسه

#تعديل

حضراتكم عارفين هيكون إيه شعور طالب في أداب المسرح بيتفرج على الحلقة مع أهله؟

تفتكروا نظرة أهله ليه إيه غير إنه بيضيع وقته

الطالب نفسه المفروض يروح يكمل دراسه في قسم بيعلم فن أهل الفن بيقوله عليه كده ؟

الأقسام التانية إللي بتقلل من قسم مسرح أصلًا  لما يشوفوا مشهد زي ده المفروض يتعاملوا إزاي مع القسم وطلابه وأساتذتة؟!".

محمد علي رزق يشكر نقابة المهن التمثيلية 

ومنذ قليل نشر الفنان محمد علي رزق بيان النقابة، وتوجه بالشكر للدكتور أشرف زكي عبر حسابه الشخصي بموقع التواصل الإجتماعي" فيسبوك "وعلق قائلًا:" كل الشكر والتقدير لنقابة المهن التمثيلية وللنقيب المحترم الدكتور أشرف زكي إنه دايمًا في ضهرنا".