سعد الصغير وطارق الشيخ يحتفلان بفوز مصطفى كامل نقيبا للموسيقيين

أحتفل الفنان سعد الصغير في برنامجه سعد مولعها نار الذى يذاع على قناة الشمس بفوز مصطفى كامل نقيبا للموسيقيين خلال حلول المطرب طارق الشيخ ضيفًا معه في برنامجه، وقال سعد أنا بتباهى بالنقيب الذى له فضل كبير عليا، وشغال طول الوقت علشان كل الموسيقيين ويقف جنب الناس كلها، ليرد عليه طارق ده أخويا اللى عملى أغنية "مستحل أبدا" اللى كسرت الدنيا.
 

وقدم المطرب طارق الشيخ خلال الحلقة عدد كبير من اغانيه منها "قفلت عليا بابى" و"الكيف" و"عالم غريب" و"بحبك يابن بلدى" كما قدم أغنية "ماتفوتنيش أنا وحدى" للراحلة وردة.

وتحدث طارق الشيخ عن كواليس كثيرة منذ بداية مشواره الفني ورأيه في أغانى المهرجانات، وتحدث عن نجاح أغنية الكيف التي جمعته بفريق كايروكى.

آخر أعمال طارق الشيخ

يذكر أن آخر أعمال طارق الشيخ كان طرحه مؤخرًا أحدث أعماله الغنائية التي تحمل اسم "حنفية الجدعنة" وهى من كلمات حازم اكس وألحان إبراهيم أردني وتوزيع فلسطيني وصولو حماده فتوح وميكس وماستر فلسطيني.

كلمات أغنية طارق الشيخ

تقول كلمات الأغنية: هنفارق كل اللي فارقنا
روح لو مش عاجبك طريقتنا
إحنا مشينا وشوفنا طريقنا
بيكو من غيركوا
مسا مسا ونسينا إلى ناسينا
متجوش تاني تتلزقوا فينا
لما غرقتوا أنا كنت سفينة جت لحقتكوا

حنفية الجدعنة عطلانة من قلة السلكان
دي الحسبة جت بخسارة والخير مطمرش في الأندال
الطيبة خيبة وجهل لازم تخون قبل ما تتخان
ده مشوار التقدير الخطوة فيه بتساوي فدان
(مفيش مقارنة)
الأصلي أصلي خد جمب أصلي ثابت مكاني
(مفيش مقارنة)
ميزت نفسي بفضل ربي اللي علاني
(مفيش مقارنة)
الهيبة وراثة لا مش دراسة مهما تحاول
(مفيش مقارنة)
صدقني صعبة عمرك في يوم ما هتشغل بالي

علي مبدئي من يوم منشأي
أنا زيي مفيش مش هتلاقي
واحد بس ومالي مركزي
اسمي لاغيكوا
ميزان الجدعنة يشهد ليا
طوب الارض بيحلف بيا
قلبي أبيض فدان حنية
رجولة بالكيلو
يا دنيا الفقر حشمة
فنفسي أبقى قليل الذوق
ولاد الحرام فهموها
لعبوها صح وقبوا لفوق
الدنيا دي أكبر مسرح لو أنت غلبان ملكش دور
هنا اللي شموا نفسهم داسوا على اللي أداهم طوق
(مفيش مقارنة)

إحنا في عصر الطيبة غباوة
آخر السلكان عيش وحلاوة
ملكمش أمان يا ولاد آدم
على كل لون

مواعيد عرض برنامج سعد مولعها نار

يقدم سعد الصغير حلقتين إسبوعيًا يومي الخميس والجمعة الساعة العاشرة مساء، ويستمر البرنامج حتى الحادية عشر ونصف. برنامج سعد الصغير "سعد مولعها نار" يمتد لساعة ونصف يقدم خلالها فقرات فنية تتضمن حوارات متميزة مع نجوم الفن والطرب والغناء وذويهم، بجانب اكتشاف المواهب الغنائية المتميزة.