مروة عبد المنعم تتصدر التريند لهذا السبب

تصدرت الفنانة مروة عبد المنعم محركات البحث في خلال الفترة الماضية بسبب بكائها على الهواء مباشرةً في إحدى اللقاءات التلفزيونية وهو برنامج "قعدة ستات" ويرصد لكم موقع الفجر الفني أبرز التفاصيل الخاصة حول سبب بكاء الفنانة مروة عبد المنعم.

مروة عبد المنعم ضيفة برنامج قعدة ستات

حلت الفنانة مروة عبد المنعم ضيفة في برنامج قعدة ستات الذي تقوم بتقديمه الإعلامية مروة صبري عبر شاشة قناة القاهرة اليوم، ودار مع الفنانة مروة عبد المنعم لقاء خاص حول حياتها وسبب إبتعادها عن الفن.

مروة عبد المنعم تنهار على الهواء

وتحدثت الفنانة مروة عبد المنعم من خلال لقائها ببرنامج قعدة عن إبتعادها للفن وعن من وقفوا إلى جانبها ومن تخلوا عنها، وقالت مروة عبد المنعم:
"كنت لسة بقول لبنتي مش عارفة أنا صرفت عليكم طول السنين اللي فاتت دي ازاي؟ بس بتمشي، أنا وقفت جمب نفسي محدش وقف جمبي، طبعا بعد ربنا، ربنا ده عظيم وكريم، بقعد ساعات أقول أنا بصرف السنة دي ازاي".

وتابعت مروة عبد المنعم خلال لقائها في برنامج قعدة ستات: "أشرف زكي وقف معايا، إدوارد كان وقتها معايا، ومكنش كتير، ودول اللي كانوا اقفين معايا، ومش هقول مين أتخلى عني 
وفي ناس استنيت إن هما يبقوا معايا ومزعلني أوي ومش عايز أقول مين، ومكنوش صحابي أوي وعلى الأقل في بينا عشرة من الوسط الفني، ولما أقابلهم في لوكيشن بيقوليلي إيه الأخبار وبيسألوا عليا، وبقول الأسماء في الحاجة الكويسة".

مروة عبد المنعم: كنت متوقعة تامر حسني يسأل عليا

وتابعت الفنانة مروة عبد المنعم:
"وأشرف زكي وقف معايا جامد جدًا بصراحة، ومن أكتر الناس اللي وقفوا معايا، كنت متخيله إن تامر حسني يسأل عليا، وخاصًة كان لسه في عمر وسلمى حصله موقف وروحتله مع إني لسه مكنتش صاحبته، والناس اللي بينا عشرة شغل فقط مسألوش عليا، إحنا مش عشرة خروج، وتامر من الناس اللي قريبة مني، ومبعتش رسالة ولا كلمني، أحمد صفوت من الناس اللي وقفوا معايا، وأحمد زاهر وقف معايا في حاجات كتير جدًا".

أزمة مروة عبد المنعم

ومن الجدير بالذكر أن الفنانة مروة عبد المنعم مرت بأزمة خلال الآونة الماضية حيث تعرضت لحريق نشب في منزلها ولكن خرجت منه بأقل الخسائر.