أحمد موسى: "غصب عن إثيوبيا توشكى فيها مياه لم توجد منذ 30 سنة" (فيديو)
قال الإعلامي أحمد موسى، إن إثيوبيا تستغل سد النهضة سياسيا ولكنه لن يحقق أي منافع للشعب الإثيوبي ولم يولد أي كهرباء حتى الآن.
وأضاف "موسى" خلال تقديم برنامجه "على مسئوليتي" المذاع على فضائية "صدى البلد" اليوم السبت، "إثيوبيا تقوم بإجراءات مخالفة للقانون دون اتفاق مع مصر والسودان واللي هتعملوا الأيام اللي جاية دون اتفاق مع القاهرة والخرطوم".
وتابع: "ولكن كرم ربك فوق الجميع وتوشكى فيها مياه لم تحدث منذ 20 أو 30 سنة وده بعد ما فتحت إثيوبيا الحواجز علشان تفتح التوربينات ورغم كده ولا حد شاف كهربا ولا حد شاف حاجة، وفي إثيوبيا مفيش كهربا ولا محطات توزيع وعمل الموضوع موضوع سياسي واستخدام السد استخدام سياسي لن يفيده بحاجة لا النهاردة ولا بكرة ولا بعده".
واستطرد "في إثيوبيا لا يوجد أي شبكة توزيع ولا بيت وصله كهربا عمله علشان يضغط على مصر، ورئيس وزراء إثيوبيا هو اللي بيخرب في الدول التي حواليه وأنا اعني هذا الكلام بيخرب في الدول اللي حواليه فعايز يصدر مشكلة السد لأن عنده أزمات داخلية لن تنتهي كان المفروض يخلص ومش عارف يعمل أي حاجة بس مصر لها حقوق ومصر تستخدم أدواتها لتحافظ على حقوقنا".
