زينة: "كنت رافضة دور عايدة في جعفر العمدة وهما إلى أصروا عليا"

حلت الفنانة زينة ضيفة على برنامج مساء Dmc، الذي تقدمه الإعلامية إيمان الحصري على شاشة قناة dmc، والتي تحدثت خلاله عن مسلسل جعفر العمدة الذي عرض في الماراثون الرمضاني لعام 2023 وتحدثت خلال اللقاء عن ردود الأفعال بالإضافة إلى سبب انضمامها للمسلسل وتطرقت لـ أشياء آخرى سيرصدها الفجر الفني لكم في السطور الآتية

زينة تتحدث عن انطباعها الأول على مسلسل جعفر العمدة

تحدثت زينة عن انطباعها الأول على المسلسل وقالت: " أنا  في الأول رفضت المسلسل وقولت خلوني في عمل تاني، بس هما أصروا وقالولي اختاري الدور اللي انتي عايزاه ولو عايزانا نزودلك دورك، بس أنا كنت مقتنعة بـ عايدة وكنت عايزة أعملها في الوقت ده، كنت مفتقدة الشخصية الهادية اللي ملهاش في الشر عشان السنة اللي قبلها واللي قبلها كانت شخصياتي شريرة". 

وتحدثت عن ردود أفعال الجمهور قائلة: "ردود الفعل خضتني والمسلسل نجح بشكل كبير مش في مصر بس ده في العالم كله، نجح والناس لسة عايشة في شخصياته مش بيقولولي يا زينة بيقولولي يا عايدة والناس متفعلة مع كل الأدوار أما عن محمد رمضان فهو بني أدم محترم وبيحترم كل الناس وبيقدر موهبة كل الناس وبيدي كل واحد قدره وموهبته بزيادة".

زينة تكشف طقوسها لأول مرة في رمضان

كشف زينة عن طقوسها في رمضان الحالي وقالت: "كان عندي فرصة في رمضان السنة دي للعبادات وكنت وقت ما أحب أصلى أو أقري قراءن كنت بقوم فكنت حاسة اني مبسوطة، رمضان من غير أبويا صعب جدا وورثت منه اني أبسط الناس اللي حوليا، أنا كنت أنانية وعمري ما فكرت اللي نحوا عايزين ايه، لكن بعد وفاته كل ده اتغير".

وتحدثت عن فكرة عمليات التجميل قائلة: "أنا راضية عن نفسي جدا وبشوف دايما نفسي حلوة، وأما بسافر برة بشوف بنات صواريخ وبردو أقول إني أحلى منهم، ءنا راضية عن شكلي جدا وكانوا بيقولوا زمان زينة وحشة ووشها معضم دلوقتي وشي طلع موضة".

زينة تتحدث عن كواليسها مع فريق العمل جعفر العمدة

تحدثت زينة عن كواليسها مع فريق العمل وقالت: "الروح بتاعت الشغل روح شغل فقط، وأنا كنت معزولة لأني بحب أركز أوي ومش بحب أضيع طاقتي في الكلام في حاجة غير الشغل وكنت بخرج من أوضتي أعمل المشهد وأرجع تاني، لأني لو سبت نفسي للرغي والهزار مش هطلع حاجة، فلازم تحافظي على مود الشخصية فأنا كنت منعزلة، أنا خلصت يوم 13 مارس وهما كان عندهم يوم بعدي، ومكانش عندنا حاجة خالص في رمضان ودي من الحاجات النوادر اللي تحسب للمخرج أننا خلصنا بدري لأن التصوير في رمضان متعب.

مسلسل جعفر العمدة بطولة محمد رمضان، زينة، هالة صدقى، إيمان العاصى، مى كساب، منة فضالى، عصام السقا، مجدى بدر، أحمد فهيم، منذ رياحنة، دعاء حكم، أحمد داش، بيومى فؤاد، فريدة سيف النصر، جورى بكر، طارق النهرى، وعدد آخر من الفنانين.