أول رد من زوجة حسن شاكوش على انتقادات سجودها في الفرح

علقت ريم طارق زوجة الفنان حسن شاكوش على انتقادات سجودها في قاعة الفرح والتي أثارت الجدل على مواقع التواصل الاجتماعي.

وصرحت زوجة حسن شاكوش تفسير حركة سجودها في فرحها لبرنامج et بالعربي: " مفيش حد هيضحك على ربنا وحسن شاكوش ده عوض ربنا وكنت واخدة عهد على نفسي إني أسجد بعد الفيرست لوك.. وحسن إنسان جدع ويستاهل".

وأستكملت زوجة حسن شاكوش قائلة: "حسن أحسن واحد في الدنيا في عيوني، ومش بشغل دماغي بالانتقادات، وإحنا جيران لما كنا أطفال، وهو بالنسبة لي حاجة كبيرة أوي مش مجرد مطرب".

كما أضافت ريم أن معرفتها بحسن شاكوش تعود لسنوات ماضية حيث أضافت: "إحنا جيران من وإحنا أطفال، وبعدها مشينا من المنطقة ومن 10 سنين ماشوفتوش، وسأل عليا وقال عايز يتجوزني".

حسن شاكوش يكشف حبه القديم لزوجته

وعلق مطرب المهرجانات حسن شاكوش: "أنا طلبت إيدها من 3 سنين لكن كانت مخطوبة، وربنا كرم وكانت من نصيبي".

انتفاضات لزوجة حسن شاكوش لسجودها في قاعة الفرح

كما أثارت لقطة سجود زوجة حسن شاكوش في حفل الزفاف الجدل على مواقع التواصل الاجتماعي، وأثارت غضب الكتير من الجمهور.

ومن ناحية أخرى علقت الإعلامية رضوى الشربيني، خلال تقديم برنامجها "هي وبس"، قائلة: "ضجة كبيرة جدا حصلت على وسائل التواصل الإجتماعي وناس كتير مكنش عاجبها ده، وناس بتقول تريند وناس بتقول إنها بتعبر عن مشاعرها.. هقول إيه ست فرحانة وبتعبر عن فرحتها وعن شعورها ويمكن حسن شاكوش هي شايفة ان هو الراجل اللي بتعمله الحركة دي عشان تقوله الكلمتين دول".

وتابعت رضوى: "حركة أوفر جدا، وآخر حاجة كنا بنشوفها إن لاعيبة الكورة يسجدوا لما يجيبوا جون، آخر حاجة شوفناها إن العرايس لما تبقى فرحانة أوي وسعيدة تبوس إيد جوزها أو كتفه أو تحضنه، ولكن واحدة ست تسجد في فرح شكر لربنا قدام الناس والصحفيين، مشوفناش الكلام ده قبل كده، ولكن كل واحد من حقه يعبر عن فرحته بالطريقة اللي تعجبه".