سمية الخشاب توجه نصائح للستات: متوقفوش سعادتكم على حد واعملوا ماسكات
سمية الخشاب توجه نصائح للستات: "اعملوا ماسكات واتبنوا قطط وكلاب هتبقوا أسعد ناس في الدنيا"
قالت الفنانة سمية الخشاب، إن الحب ليس فقط بين الرجل والست، فلا بد من الست أن تحب نفسها اولا، وتقدر نفسها، وتمتن لكل شئ جيد في حياتها، مشيرة أنه لا يشترط أن تكون الست سعيدة إذا كان هناك شخص آخر في حياتها، فالست قادرة على إسعاد نفسها بنفسها دون أن تحتاج لأحد.
سمية الخشاب: متوقفوش سعادتكم على حد
وأضافت سمية الخشاب، في مداخلة هاتفية مع الإعلامية سهير جودة، في برنامجها الذي يحمل «الستات»، عبر فضائية «النهار»، قائلة: «انا ادلع نفسي بنفسي، ولو هجيب هدية لنفسي هتبقى بيجامة عشان الجو البرد، أو برفيوم، أو اي حاجة نقصاني هتخليني فرحانة ومبسوطة، ايه المشكلة يعني، الحياة بسيطة أوي، متوقفوش سعادتكم على حد، حبي نفسك وهادي نفسك، وانبسطي».
سمية الخشاب تنصح الستات
ووجهت سمية الخشاب نصيحة للستات، قائلة: «الست لازم تبطل تفتش ورا جوزها، لان الراحل لو عايز يعمل حاجة هيعملها، بلاش تشغلي نفسك وتنحري نفسك، وقلبك يتوجع، هو لازم يبقى بيحبك من نفسه وبيثق فيكي وبتثقي فيه، متشتغليش ضابط مباحث أو وكيل نيابة أو محقق على جوزك، انتي كدة بتضيعي طاقتك وهتتصابي بالامراض، ليه كل دة وعشان مين، وفري المجهود دة لنفسك، وفكري ازاي تسعديها».
سمية الخشاب تنصح الستات بـ الاهتمام بجمالها
واختتمت: «اتفرجي على فيلم جميل، واعملي فشار، روحي اعملي ماسك لوشك واهتمي بجمالك»، مشيرة: «انا بهتم بنفسي وبدلعها، وبمتن لربنا، واعمل ماسكات لشعري، والعب مع القطة بتاعتي، انا بقيت بحب القطط مؤخرا وبعشقهم، اتبنوا قطط يا جماعة، دول بيمتصوا الطاقة السلبية من البيت، بيصدروا موجات بصوتهم وبيمتصوا بيها اي طاقات سلبية، اللعب مع الحيوانات زي القطط والكلاب بيخليكوا اسعد ناس في الدنيا».
https://youtu.be/ZCV8F4DZDU0
أحدث أعمال سمية الخشاب
ومن ناحية أخري، تنتظر سمية الخشاب عرض فيلمها الجديد «التاروت» بطولة نخبة من النجوم؛ منهم رانيا يوسف، عبد العزيز مخيون، مي سليم، محمد عز، وبعض من ضيوف الشرف مثل: محمد الشقنقيري، أحمد التهامي، والطفل يوسف منصور وغيرهم من النجوم.
آخر أعمال سمية الخشاب
والجدير بالذكر ان آخر أعمال سمية الخشاب، مسرحية كازينو بديعة، الذي عادت به للمسرح بعد غياب سنوات، وحصد العمل إشادات واسعة من الجمهور، شاركها في البطولة: الفنان علاء زينهم، الفنان إدوارد، الفنان أحمد فتحي، الفنان علاء مرسي، طارق الإبياري، إيمي طلعت زكريا، ومن ألحان وموسيقى هيثم الخمسي، وديكور حازم شبل، وملابس مروة عودة.
