عاجل.. محمد موسى يهاجم محمد رمضان لهذا السبب (فيديو)
شن الإعلامي محمد موسى، هجوما حادا على الفنان محمد رمضان، لتسببه في وفاة الطيار أشرف أبو اليسر وذلك على خلفية تعليق الأخير في تصريحات له بشأن حزنه الشديد على هذه الواقعة.
وقال موسى، خلال تقديم برنامج "خط أحمر" على قناة الحدث اليوم: "هو ده العادي بتاعك يا محمد يا رمضان مابنشوفش منك غير كده، دلوقتي بعد ما الراجل مات حزن وحسرة علي نفسه بعد سحب رخصة الطيران بتاعته، عشان حضرتك تاخد صورة في كابينة القيادة وتنشرها على مواقع التواصل الاجتماعي، جاي دلوقتي زعلان وانت السبب في اللي الراجل دخل فيه، وتدهورت حالته الصحية بسبب محمد رمضان بشكل مباشر، وصحته بدأت بالتراجع منذ بداية النزاع مع الفنان، حيث تعرض لعدة أزمات نتيجة حالته النفسية السيئة".
أنت واحد بيبني مجد مزيف على جثث الأخرين
وتابع: "أنت واحد بيبني مجد مزيف على جثث الأخرين يا أخي زعلان بس.. ومش موجوع أنك كنت سبب في إنهيار أسرة بأكلملها وكنت سبب في أنهم يفقدوا عائل الأسرة بسبب نزوات شهرتك".
