سهير جودة: المسلسل الوثائقي عن هاري وميجان يغضب البريطانيين

علقت الإعلامية سهير جودة، على الجدل المثار بسبب المسلسل الوثائقي عن حياة الأمير البريطاني هاري وزوجته الأمريكية ميجان ماركل، والذي يعرض حاليا عبر إحدى المنصات العالمية، لافتة إلى الشبه بين ميجان والأميرة ديانا.

ديانا وميجان

وقالت سهير جودة، خلال حلقة اليوم الأحد، من برنامجها "الستات"، المذاع عبر فضائية "النهار": "فيه تساؤلات كثيرة جدًا على السوشيال ميديا، هل ميجان شبه ديانا، وهل ميجان حبيبة حقيقية وقصة حب بجد، ولا فيها ادعاء وبحث عن بطولة ومجد شخصي، هاري وميجان مسلسل وثائقي لكن عامل جدل كبير في العالم كله".

غضب البريطانيين

وأضافت قائلة: "في غضب كبير من البريطانيين ومن القصر، لأنهم شايفين محاولة لتمزيق التقاليد الملكية العائلية.. إيه هو الجديد اللي بيقدمه العمل الوثائقي؟  والانتقاد الكبير من الإنجليز بيقول: ليه كنتوا بتهربوا من الصحافة وعايزين خصوصية ودلوقتي بتبيعوا خصوصياتكم بـ 100 مليون دولار، وبتكشف اسرار عيلتك وتسخر من القصر".

شخصية ميجان

وأشارت سهير جودة، إلى أن "ميجان دي شخصية غريبة جدًا، احنا تعاطفنا معاها في الأول عشان هي بنت عادية وبتتجوز الأمير، والأمير بيحبها، وانا بشوف أنها ممثلة متواضعة جدًا، ومش شايفة أنها ضحت بحاجة، واللي اختارته عشان الحب مينفعش تتاجر وتساوم بيه دلوقتي وتقولي أنا سبت وسبت عشانه".

وقف دعوة قضائية ضد الأمير هاري ودار نشر بريطانية.. تفاصيل

عمرو أديب ساخرا من ميجان زوجة الأمير هاري: "حركات كيد نسا.. مش هيطير"

وتابعت: "لو كانت هي مشاعر حقيقة مش هتحتاج تعمل الضجة دي كلها لأنها اتجوزت الأمير وتنازل عن ألقابه  الملكية عشانها.. إيه اللي بتحاول توصل له بكل البكائيات دي؟ مجد شخصي؟ قبل ما بتدخل اي مكان بتبقى عارف تقاليد.. ما دام اخترت كن قد اختيارك!".