السيسي عن الإخوان: "عارف تاريخهم كويس ومفيش فايدة"

كشف الرئيس عبدالفتاح السيسي، مجددًا عن كواليس الفترة في 2012، والتهديدات التي كانت تواجه مصر، وهروب تيارات المعارضة أمام الإخوان، قائلًا: "كان المطلوب حاجة واحدة بس.. اني أسكت أنا، وعلشان أقدر أعبر على هذه الحقبة أخدت 8 سنين وقدمت 3 ألاف شهيد ومش بمن، لكن ده دوري". 

وأضاف الرئيس السيسي، خلال مداخلة هاتفية ببرنامج "التاسعة"، المذاع عبر القناة الأولى، "مش عايز أقول كلام ملوش لزمة.. ايه ده؟ هو مفيش فايدة، أنا التاريخ كله عندي يا يوسف، وعارف الناس كلها كانت بتعمل ايه".

وأشار الرئيس السيسي إلى دور الإعلام، قائلًا: "أنا بتكلم علشان أقول عن دور الإعلام"، مستنكرًا: "هنرجع تاني؟.. هنعيده تاني؟ كلام كلام؟!"  

وأضاف الرئيس: "بقة النهاردة بقول البلد مش قادرة تعمل تعليم كويس لأنها معندهاش القدرة المالية تعمل كده، لا خبينا معلومة ولا خبينا قدراتنا، احنا عمل ايه عمل مبادرات، فيه حد تاني يقول لنا على حاجة تانية. واالي بندفعه هندفعه في علاج ناسنا".

وتابع الرئيس: "سبحان من خلق الناس وجعلهم يستطيعوا انهم يتحدثوا بهذا الشكل أو ما يكونوش شايفين الحقيقية أو يشوفوها ويحرفوها"، مضيفًا: "هو أنا هتحمل ضعف الأداء ولا التحريف ولا ايه؟".