كانوا بيكرشونا برا.. حمو بيكا يؤيد قرارات مصطفى كامل نقيب الموسيقيين

أعرب مؤدي المهرجانات حمو بيكا، عن سعادته بقرارات الفنان مصطفى كامل نقيب الموسيقيين، بشأن مطربي المهرجانات.

وقال حمو في تصريحات صحفية: "أنا دخلت مضيت على إقرار وتعهد إن مفيش أي ألفاظ خارجة في الأغاني، وإني هلتزم بـ قرارات النقابة"

وتابع: "قرارات مصطفى كامل، زي العسل، إحنا لاقينا حد بياخدنا وينصحنا، الأول كانوا بيكرشونا ويقولولنا اطلعوا برا، دلوقتي بياخدونا وينصحونا وإحنا كان نفسنا في ده من الأول، وإحنا تحت قرارات النقيب".

نقابة المهن الموسيقية

ومن جانبه، عقد اليوم مؤتمر صحفي في مقر النقابة، للإعلان عن ضوابط عمل مطربي المهرجانات، وحرص كل من حمو بيكا، وعنبة، وأورتيجا، وحسن شاكوش، وعدد آخر من مطربي المهرجانات على حضور المؤتمر.

شروط الانضمام للشعبه

أوضح مصطفى كامل الشروط الخاصه بالانضمام للشعبه، قال كامل إنها كالأتي: " الانضمام لشعبة إما غناء شعبي بتصريح سنوي أو أداء صوتي تجديد ربع سنوي، خضوع المصنف الفني "كلمات الأغنية" وعرضها على جهاز الرقابة والمصنفات الفنية، الالتزام بعدم إدراج كلمة تخدش الحياء أو ألفاظ أو إيماءات، تطبيق لائحة النقابة والالتزام بوجود فرقة موسيقية مصاحبة لأي فنان مكونة من 12 عضوا عاملا، التعهد في حالة السفر للخارج للقيام بأعمال فنية بعدم مخالفة قوانين ولوائح النقابة والالتزام بتلك البنود".

مصطفى كامل: واللي هيتلغي تصريحه استحالة هيرجع طول ما أنا موجود

والجدير بالذكر ان الفنان مصطفى كامل نقيب الموسيقيين، شدد بضرورة التزام مطربين المهرجانات، بقرارات النقابة، مشيرًا إلى إنه إذا خالف أحد الفنانين تلك البنود، سوف يتعرض إلى غرامة مالية ومن ثم إيقاف عن العمل، وفي نهاية المطاف إلغاء التصاريح، مضيفًا: "واللي هيتلغي تصريحه استحالة هيرجع طول ما أنا موجود".

مصطفى كامل يشدد على ضرورة الالتزام بقرارات نقابة المهن الموسيقية

كما شدد مصطفى كامل، على ضرورة الالتزام بقرارات نقابة المهن الموسيقية، قائلًا: "أنا بطبق القرار على ماضي وحاضر ومستقبل، واللي عنده غنوة خارجة منهم وهشوفه بيغنيها تاني هعتبره كأنها مستحدثة، كل شكل ليهم هيتعمل هتتحاسب عليه نقابة المهن الموسيقية، وكل شخص بيدير النقابة، اللي عنده لفظ خارج متتطلعش بيه في حفلة وتقولي ده قديم، ومتصحيهوش في ودن ولادنا تاني وتكسب منه تاني".