350 مليون مشاهدة.. بعد نجاح أغنية "اتنسيت " مسلم يوجه رسالة لجمهوره

احتفل الفنان مسلم بتخطيه ال ٣٥٠ مليون مشاهدة لأغنيته اتنسيت، التي تم طرحها على موقع الفيديوهات الشهير " يوتيوب"، عن طريق نشر صورة له، عبر صفحته الرسمية بموقع التواصل الإجتماعي "فيسبوك".
 

وعلق مسلم على الصورة قائلًا:" انهاردة يوم مميز جدا..عدي سنه علي اتنسيت بقت ٣٥٠ مليون.. شكرا جدا ليكم عشان انتم السبب في كل حاجه حلوه حصلت وبتحصل وهتحصل..اللي حافظ يكمل بعدي.. كل شئ الا الفراق فامتسبنيش وانا مشتاق..".

 

غصب عني

طرح المطرب مسلم عبر قناته الرسمية على موقع الفيديوهات الشهير "يوتيوب"، أحدث أغانيه  بعنوان " غصب عني " منذ قليل، وذلك بالتعاون مع المطرب زاب ثروت، حيث حققت 97.518 ألف مشاهدة في 5 ساعات فقط.
 

تقول كلمات الأغنية

 
" في عالم خيالي خيالي، هبني مدينة على مزاجي، في عالم خيالي خيالي، هبني مدينة على مزاجي، غصب عني غصب عني، بهرب من كل حاجة مني..
 
غصب عني، بهرب من كل حاجة مني، عالم خيالي مجرد من الحساب، خد وهات، الحسابات أصل تعبنا اللي فات، اللي فات فات مات، أحرق كتاب الذكرايات، تخيل غمض عينيك مع المزيكا روح وأحلم، بمكان امان فيه بأسرارك ممكن تبوح، اوعى تبقى آخر عاقل جوه عالم مجنون، أسرح بالخيال وسافر بره حدود المعقول، لو معايا فى امنياتى يلا ويايا قول..
 
صاحبي ماتيجي نروح نتوه فى رحلة بعيده، يمكن مركبنا توصل ترسى بينا فى ارض جديدة، في الحقيقة مش مضمونة النتيجة، بس أكيد فى يوم هيحصل والحياة تبقى سعيدة، العمر مايكفيش مش حمل اضيع فيه، لا هاممني دلوقتي ولا عامل حساب بعدين، ضيعنا وقت كتير بنراضى ناس تانيين، مش حمل أنا التأنيب ولا أصعب على نفسي وعلى فين هنروح، مابقتش فارقة رجوع، لو بس أكون مبسوط ده اللى هاممني، تعبت من التدوير، أنا عايز أبقى بخير، وأهرب من التفكير، لمكان يطمني بعيد بعيد عن وسائل التواصل، عن الود الكذاب اللي فى عالمنا حاصل، بعيد عن اللي قاصد يكون بكلامه حاصد، مكانه عند حد خلت كلامه وقلبه باهت.
 

راقت الدنيا قصاد عنينا لما قلوبنا فاقت، بانت حقيقتنا ايه لما المشاعر ساقت، راجع اراجع نفسى قبل أما امشي واباعد، جايز اجتاز المحنة ويسامحنى اللي عايزبعيد بعيد، عن أي شر أنا السبب فى وجوده، بعيد عن أي خير عملته عشان أقوله، بعيد هناك فى أرض جديدة بعيدة تانية، بعيد عن النفوس السابعة والأطماع الفانية، مين اللي شاف قلبي ويعرف اللي فيه نفسي اللي اعمله مابقاش مجبر عليه، الوقت كأنه واقف مابقتش أحس بيه،لكنه بان فى شكل كبرته وده الغريب، أكسر حاجات وأخسر حاجات اكتر ويارتنى سبتها".

آخر الأعمال الفنية لـ مسلم

 
والجدير بالذكر أن آخر الأعمال الفنية للمطرب مسلم، أغنية " لو بس نرجع"، حيث تصدر تريند موقع الفيديوهات الشهير "اليوتيوب"، كما احتلت المركز الثاني في قائمة الأغاني الأكثر استماعا على اليوتيوب، حيث تجاوزت المليون مشاهدة.