والد طفلتي الإسكندرية ضحية حقنة المضاد الحيوي: "عايز حق بناتي"
كشف محمد سعد، والد إيمان وساجدة طفلتي الإسكندرية ضحية حقنة المضاد الحيوي، تفاصيل وفاة طفلتهما بسبب حقنة المضاد الحيوي.
وقال "سعد" في اتصال هاتفي مع الإعلامي شريف عامر ببرنامج "يحدث في مصر" المذاع على فضائية "إم بي سي مصر" مساء اليوم الأربعاء: "بناتي كانوا يعانوا من حساسية على صدرهم وكحة وبرد وذهبوا للطبيب وكتب روشتة لبناتي تضمنت نوع عقار مختلف عن الآخر بكل منهما".
وأضاف "زوجتي راحت لصيدلية بجوار المستشفى وأعطت البنتين الحقنة بعد ما عملوا اختبار حساسية وأخذوا، رجعت على بيتنا في بشاير الخير 3 وراحت صيدلية جنب البيت، قالتلها فيه عقار بديل وسألتها انتي مش هتعملي اختبار حساسية قالتلها لا هما واخدينها إمبارح".
وتابع "أول ما بنتي الكبيرة خدت الحقنة قالتلي أنا عندي وجع في دماغي وبنتي الصغيرة فضلت ترجع وحسيت بضيق في التنفس، حد من الصيدلية قالي خد البنت هي عايزة تأكل وامشي جريت على صيدلية تانية الدكتور قالي اجري بيها على المستشفى".
واستطرد "أول ما روحت المستشفى الأطباء فضلوا معاها من الساعة 11 مساء إلى الساعة 5 الفجر يحاولوا ينقذوها في المستشفى ولكن لم يستطيعوا وأنا عايز حق بناتي".
