رسالة فريدة سيف النصر للصحافة
بعد تصدرها للتريند بسبب لون شعرها.. فريدة سيف النصر توجه رسالة قاسية للصحافة
وجهت الفنانة فريدة سيف النصر رسالة قاسية إلى الصحفيين والصحافة الذي يستغلوا اسمها في أخبار بهدف التريند وعنواوين مزيفة فكتبت من خلال صفحتها الشخصية على "فيس بوك" قائلة: "هو في ايه بجد، ايه الخيبه اللي انا فيها دي..كل مااتنفس ولا أتصور ولا اتكلم ابقي تريند وحديث المدينه ليه خير انشاءالله..محسيسني اني لسه صغنونه نوغه..واني مثلا نزلت صوره كلي بلبس مثلا ملفت مش قاطعه لكم راسي وبس..مالكم بجد"
فريدة سيف النصر تخرج عن صمتها
وتابعت: "وجرايد ورقيه محترمه ومواقع برضه كبيره..هو مافيش غيري..في ناس احلي واصغر واهم وعندهم اللي ترغوا فيه..هاتحرموني اكون ذوق وادي اخبار أو ارد علي صحافيين خالص وللعلم مابحبش اصد حد أو التعالي بالذات الشباب الجديد.يكون جزائي عكس الكلام واخد عناوين فرقعه علشان التريند"
وأضافت: "الامانه والمهنية اهم من مصطلحات السوشيال ميديا الجديده دي..عموما كده عيب لاي حد احترمته رغم صغر السن والحداثة في المهنه ورديت وحبيت أسانده..والنتيجه علشان فرقعه تخسرني ماشي الف شكر ومش هارد تاني مع اعتذاري للجميع".
فريدة سيف النصر تتصدر التريند بسبب لون شعرها
يذكر أن فريدة سيف النصر نشرت صورة لها في صالون تجميل أثناء مرحلة سحب اللون وظهرت بالشعر الأصفر لتداعب جمهورها وعلقت قائلة: "ربنا يستر ماتخافوش دي مرحلة سحب اللون الاسود وقصيت شعري عند العالمي ابراهيم حسن..حبيت اوريكم وبعد مااعمل اللون والصبغه الجديده نيو لوك واعمل شعري هاوريكم..ماتعترضوش دلوقتي مش ده اللون غيرت اصلي زهقت مني.وعلي فكره دون ميك اب أن كان عاجبكم ههههه..الستات لما بتكبر بتتجنن سألوني عالكوافير كتبت اسمه في كومنت اضغطوا ابراهيم حسن تفتحوا صفحته"
أعمال فريدة سيف النصر المنتظرة
وشاركت فريدة سيف النصر صورة لسيناريو العمل القادم لها وهو مسلسل "العمدة" عبر صفحاتها الشخصية علي موقع فيسبوك وكتبت: "ما شاء الله ولا قوة إلا بالله.. حقيقي ورق حلو أوى وكل الشخصيات تحف فنية.. ودليل على عدم أنانية البطل النجم والثقة بالنفس.. وللكاتب على فهم عميق للتسلسل الدرامي وصدق الشخصيات التي تكاد تقفز من السيناريو وليس بجديد عليه".
وأضافت: "بالنجاح للجميع يا رب... الميجا ستار محمد رمضان.. المخرج المبدع الموهوب محمد سامي.. سعيدة بيكم جدا والإنتاج المحترم.. ألف مليار مبروك علينا جميعا. وتوكلنا على الله.. وهو رب العرش العظيم".
