تامر حسني يوجه رسالة لجمهوره: "استفيدوا بكل لحظة من وقتكم"
نشر نجم الجيل تامر حسني، فيديو له عبر صفحته الرسمية عبر موقع "إنستجرام"، وظهر بالفيديو تامر حسني وهو يتحدث عن مُعاناة هذا الجيل وكل ما رآه خلال الفترة الماضية وتحدث أيضًا عن أهمية الوقت، قائلاً:"استفيدوا بالوقت ده لأن الوقت لو فلوس معقول نهدره كده".
فيديو تامر حسني للجيل الحالي
تعليق نجم الجيل علي الفيديو
وعلق نجم الجيل علي هذا الفيديو قائلًا: " لو الوقت فلوس هتهدره كده ؟.. مهما مين رتبلك شر مفيش حاجة هتحصلك إلا اللي ربنا كاتبه فانطمن ونخلي طاقتنا اللي بتاخد من عمرنا لخدمتنا مش للتدوير ورا حياة الناس،و مين عمل ايه وميه راحت فين.
وأضاف: الجيل الحالي فعلًا بيواجه فترة صعبة من التخبط، إحنا علي الأقل لحقنا جيل أهالينا الطيبين وجيل الجيران الرحيمة والصداقات البريئة وإحترام الآخر أيًا كان مين الجيل اللي علمنا لو ست كبيرة راكبة مواصلات وملهاش مكان، نقف احنا وهي تقعد، الجيل الحالي اتولد لقي العالم كله باصص في حياته وبيحكم عليه من خلال سوشيال ميديا بلا رحمة في اضطر يبقا شبههم ويعمل زيهم جيل مش عارف يبقا في حاله ويركز لنفسه ويقرب من ربنا عشان كدة من ضمن الحلول أن ولادنا يحلموا بالنجاح والطموح بدري".
وتابع: “ولكل لكل الأهالي أتمنى تشغلوا أطفالكم من الصغر في أي اهتمامات إيجابية، دوروا جواهم هتلاقوا ولو ملقتوش ساعدوهم يلاقوا بالتوجيه لأي اتجاه رياضي، علمي، فني، يشغل تفكيرهم في الإيجاب عشان ينفدوا من اللي بيحصل من تفكك مجتمعي وأفكار قذرة دخيلة علي ثقافتنا والاخبار السلبية المحاطين بيها 24 ساعة من السوشيال ميديا، لازم نعلمهم الاستخدام الإيجابي الصح للسوشيال ميديا والانترنت والبحث عن كل ما هو نافع ليهم، عشان كدة قيمة الوقت مهمة اللي هنعمل فيها كل ده نبص للوقت أنه مهم أوي زي الفلوس وأهم لأن الوقت ده الفترة اللي بتفكر فيها وبتشتغل فيها عشان تكسب يعني هو أهميته قبل المادة معقول لو الوقت فلوس هنرميه كده وهنسمح لولادنا يهدروه كده !!!!! ”.
آخر أعمال نجم الجيل تامر حسني السينمائية
فيلم "بحبك"، يشهد أول تجارب تامر حسنى الإخراجية فى السينما، وهو من تأليفه وبطولته، ويشارك في بطولته كل من: هنا الزاهد وحمدي الميرغني ومدحت تيخة وهدى المفتي، أحمد عزمى، وتميم عبده وسمر محمد متولي، وعمرو صحصاح وعاليا راشد، شهد الشاطر، وآخرون، وتدور الأحداث حول حياة رجل يخوض قصتي حب، ويتخبط في حياته بين فتاتين، ويُظهر اختلاف مدى صدق التعبير عن الحب بين الرجل والمرأة.
آخر أعمال نجم الجيل تامر حسني الغنائية
علي الجانب الآخر فإن آخر أعمال الفنان تامر حسني الغنائية هي ألبوم "عشأنجي" الذي يضم 9 أغنيات وهي" عشأنجي، مابجيش بالطريقة دي، سوحنا، ليه طله، احلي كلام، بعد مؤقت، زي الأيام دي، سجل يا تاريخ، خدنا مناعة"
