مفاجآت مدوية.. شوبير يكشف تفاصيل مكالمة أفشة ومستقبله مع الأهلي
كشف الإعلامي أحمد شوبير، تفاصيل اتصال محمد مجدي قفشة لاعب الفريق الأول لكرة القدم بالنادي الأهلي، معه خلال الساعات القليلة الماضية.
وأوضح شوبير خلال برنامجه الإذاعي، أن قفشة أجرى به اتصال، وشرح له سبب التأخر في عملية الفتق، بالإضافة إلى أنه أكد على رفضه الرحيل عن القلعة الحمراء لو رفض المسئولون في النادي العرض التركي.
مفاجآت مدوية.. شوبير يكشف تفاصيل مكالمة أفشة ومستقبله مع الأهلي
وتابع: "قفشة قال لي، ليا عتاب عندك يا كابتن، أنت قولت إن أنا اتأخرت فى إجراء جراحة فتق البطن، وأنا هشرحلك الأسباب، وقال لي ياكابتن كان عندي فتق يمين قبل ما أجي الأهلى وعملته، وبعدها جالي الفتق الشمال، وبلعب بقالى 5 شهور وأنا بتقطع ومقدرش أفتح بوقي عشان الظروف اللى فيها الأهلي، وبقالى 3 سنين مخدتش إجازة فقلت أخد إجازة 15 يوم وبعدين أعمل العملية، وده اللى حصل، وهفك السلك النهارده، وابدأ الجري من بكره بشكل عادي".
وأضاف شوبير: "اللاعب أكد لي على وجود عرض تركي بالفعل وكيله بيتناقش فيه مع مسئولي الأهلي، بس لو النادي رفض قالي مقدرش أقول للأهلي لأ أنا كنت عندك في برنامجك وقولتلك حلمي أن ألعب في الأهلي، لكن لو النادي رحب بالعرض يبقى لازم أشوف أكل عيشي".
واختتم: "قفشة أنهى كلامه معايا، أن أبويا بيخاصمني لما الأهلى بيخسر وبيكون يوم نكد علينا كلنا"، مشيرًا إلى أن قفشة ألمح له إمكانية تمديد تعاقد مع الأهلي الفترة المقبلة".
