خاص - ميار الببلاوي: الناس بتتنمر عليا بسبب ظهوري بالمكياج.. وكوني مقدمة برامج دينية مش معناه إني جهبذ الدين

نفت الإعلامية ميار الببلاوي، تنمرها على الفنانة شيرين عبد الوهاب، مشيرة إليكر أنها تتعرض شخصيًا للتنمر بسبب ظهورها بالميكياج كونها مقدمة برامج دينية ومحجبة.

وقالت ميار الببلاوي فى تصريح خاص لـ "الفجر الفنى": “والله عمري ما تنمرت على حد،الناس بتقعد تتنمر عليا، بيقولولي ياللي حاطه ضوافر، ياللي حواجبك، ياللي بتحطي ميكياج وأنت بتقدمى برنامج ديني، وكأن اللي بتقدم برنامج ديني شيخه الإسلام”.

ميار الببلاوي:" كلنا مقدمين برامج زى بعض ولكن ده مش معناه إني جهبذ الدين

أضافت: "كلنا مقدمين برامج زى بعض لكن ده مش معناه إني جهبذ الدين، أه معايا دكتوراة في الفقه، وكل حاجه لكني ست وبني آدمة وأحب شكلي يكون حلو، وحبيت شيرين يكون شكلها حلو وحبيت أن كل واحده تتحط في الموقع ده تبقى في نفس القوة، واللي نحوا يقوها لأن ده نصيب  وصاحب العوض موجود حتى لو اختيارتتا كانت غلط.

تعرف على نصيحة ميار الببلاوي لشيرين عبد الوهاب

وجهت نصيحة للفنانة شيرين عبد الوهاب داخل الفيديو عبر حسابها الشخصي على موقع" فيسبوك" قائلة:" شيرين فوقي لنفسك وولادك، الدنيا مش بتقف على حد اسأليني أنا، كلنا اتصدمنا واتطلقنا وفشلنا، وإنت مش ملك نفسك إنت ملك جمهورك بفنك، وقبل ما تكوني ملك جمهورك إنت مثل أعلى لبناتك

وأضافت: "أنا عارفة إن حبك كان جامد والعلاقة كانت حلوة، قومي أقفي واثبتي وجودك، والبسي أحلى حاجة، وارجعي تاني ظبطي وزنك".

بعد حديثها عن شيرين عبد الوهاب.. ميار الببلاوي: "وجهت لها النصيحة لأنني مررت بنفس التجربة' ( خاص)

وختمت: "أرجوكي بناتك كده يا إما هيبقوا عبيد لأزواجهم يا إما مش هيدخلوا في أي علاقة، وإحنا منتظرين شيرين اللي بنحبها، الجدعة المصرية الأصيلة تاخد الخبطة وتقف تاني بـ 100.

وسبق وقد تواصل موقع الفجر الفني مع الإعلامية ميار الببلاوي لتوضح حقيقة حديثها عن الفنانة شيرين عبد الوهاب وسبب توجيه النصيحة.

وكشفت ميار الببلاوي حقيقة الأمر  قائلة: "وجهت لها نصيحة بشكل عام وليس بسبب وزنها فقط، شعرت بأنها مدمرة وتحتاج إلي النصيحة ومن يقول لماذا لم أتصل بها أنا لا أعرفها على المستوى الشخصي، أنا أعرف شيرين عبد الوهاب المطربة مثل ما الجمهور يعرف ميار الببلاوي المذيعة والممثلة.