حقيقة توقيع شادي حسين وميسي للأهلي
كشف أحمد سامي المدير الفني للفريق الأول لكرة القدم بنادي سيراميكا كليوباترا، حقيقة توقيع شادي حسين ومصطفى سعد للنادي الأهلي.
حقيقة توقيع شادي حسين وميسي للأهلي
وأوضح أحمد سامي في تصريحات تليفزيونية عبر برنامج الريمونتادا على قناة المحور: "كل الأمور دي مش دلوقتي انا مبقفش قدام لاعيبة وهنشوف مع الإدارة المسؤولة عن القصة دي والأمور الفنية لسة مش مطروحة دلوقتي بالنسبة للثنائي وكل اللي بيتقال اجتهادات وأشك إن هما ماضيين في الاهلي النادي الكبير اللي بيتفاوض مع الإدارات مش اللاعيبة بس".
وتابع: "خلصنا بعض اللاعيبة ومش هنعلن عنها دلوقتي واحنا وضعنا احتياجات لكن المفاوضات هنعملها بعد نهاية الدوري".
وأضاف: "ضغط المباريات كان سببًا في تراجع نتائجنا في بعض المباريات ولدينا أزمة في إهدار الفرص السهلة وقفت عائقا أمامنا في كثير من المباريات هدفنا التواجد في مركز جيد بالدوري والتحضير للموسم الجديد".
واستكمل: "فنيًا الدوري المصري ليس أفضل شيء، ولكن على مستوى التنافسية قوي جدًا ولكن فنيًا لن يكون قويًا ما دام الدوري مضغوط".
وواصل:" الدوري في الموسم المقبل سيكون أصعب بسبب ضغط المباريات وتغيير نظام الدوري سيكون مغامرة بالنسبة لأغلب الأندية"
واستكمل: " الفلوس بس مش هتعمل فرقة، وممكن لو جبت لاعيبة بفلوس كتير متاخدش اللي انت عايزه وانتقالات اللاعيبة مهمة المدربين مش إدارات الأندية، وأقصد بكلامي الاختيار والاقتناع الفني".
وحول صالح جمعة لاعب الفريق قال: "صالح لاعب كبير ومهم ولما بينزل بيفيد الفرقة وبأمل إنه يعود لمستواه خاصة إنه موهبة من وجهة نظري مش هتتكرر في مصر ومحمد إبراهيم مددنا له عقده عشان عايزين كل العناصر الأساسية في الموسم الجديد وبنأمل للمنافسة على المربع الذهبي في الدوري الموسم الجديد".
