الموسيقار العالمي البريطاني Pete Whitefeld يستمتع بأغنية "ليه طلة" لـ تامر حسني
النابلسي ينشر فيديو للموسيقار العالمي Pete Whitefeld:
نشر الموزع الموسيقي النابلسي عبر صفحته الشخصية على موقع إنستجرام فيديو ل البروفيسور والموسيقار العالمي Pete Whitefeld حيث علق علي الفيديو قائلًا "السيد. Pete Whitefeld، المؤلف الموسيقي البريطاني، والمنظم، ومنسق الأوتار لبعض من أفضل الأغاني والأفلام وألعاب الفيديو المشهورة في العالم، وتشمل اعتماداته الفنانين والرواد مثل أديل، وريتا أورا، وتيستو، وأولي مورس، وبرونو مارس، وشاروخان، وديبيكا، وأكثر من ذلك.
وظهر الموسيقار العالمي وهو يستمتع بأغنية النجم تامر حسني الجديدة، الأغنية التي أثبتت نجاحها في صيف عام 2022 واستحوذت على جوهر الموسم".
تعليق الفنان تامر حسني على الفيديو:
و قد علق الفنان تامر حسني علي هذا الفيديو عندما قام بنشره في خاصية الأستوري في موقع إنستجرام قائلًا " شكرًا لك Mr.Pete Whitefeld هذا أسرني كثيرًا"
النابلسي يشكر صناع ألبوم عشأنجي:
و أيضًا قد نشر الموزع الموسيقي "النابلسي" عبر صفحته الشخصية على موقع فيسبوك بوست يشكر فيه الفنان تامر حسني علي تعاونهم سويًا في ألبوم "عشأنجي".
حيث نشر بوستر أغنية "ليه طله" وعلق عليه قائلًا "بعد ما عدى كام يوم حلوين على نزول البوم اخويا النجم تامر حسني وبعد كرم ربنا الزايد قوي وردود الافعال الحلوه... حابب بس اشكر شويه اشخاص مهمين قوي وشاطرين قوي قوي من غيرهم ما كانتش الاغاني هتطلع بالحلاوه دي والحمد لله.....
اخويا وحبيبي الملحن العبقري والجيتاريست الشيك قوي قوي احمد حسين. كان معايا في كل الاغاني خطوه بخطوه حتى الاغاني اللي اصلا مافيهاش جيتار وبيقول حاجات ونصايح عظيمه.... ربنا يعينك على الكهرباء اللي فاتت واللي جايه ان شاء الله يا حبيبي
اخويا العبقري خالذ سند... سلطة - سوداني الحمد لله و الباقي اسرار لا يصلح الافشاء بها.... حبيبي يا خلود يا جااااااامد.
اخويا المتميز الشاطر قوي قوي محمود ميري... هو صحيح لحن اغنية واحده بس كان موجود وبعتبره ترمومتر التجديد... اللي بعده يا دودو يا جامد.
مودي باشاااااا.... طلعت عينك انا عارف بس انت شاطر ونشيط ومثابر وملحن جامد قوي قوي يا حبيبي. تعبتك معايا
رامي عجلان ورومير الجامد وجلال فهمي ابو الذوق كله. مش بس صحاب بل اخوات غايين عليا قوي. ربنا يحميكم.
واخيرا وليس بآخر... اخويا الفنان العبقري تامر حسني... كتله نشاط وفن ومزيكا وتواضع ماشيه على الارض.... اكتر واحد كان طالب التجدبد في المزيكا ومصر اني اطلع الشخصيه الBritish في الاغاني على اكمل وجه وشكل. كانت رحله مزيكا جميله قوي ويالا على الجديد يا تيمو. ان شاء الله نكسر الدنيا.
الحمد لله دائمًا وابدًا على كل النعم الجميله....
و آخيرًا.. ليه طله آسم الله لو عدى.
رد تامر حسني على النابلسي:
و جاء رد الفنان تامر حسني “يا حبيبي الف الف شكر على كلامك وشكرًا لكل الفنانين اللي شاركونا نجاح الألبوم معلش تعبتك جامد انت والمهندس الراقي خالد سند وكل صناع الأغنيه والألبوم كله عشان نوصل للتطوير دا واكيد انت شايف ردود افعال الناس ازاي حلوه ومحترمه ناحية الألبوم وشغلك المتميز وغير كدا انا بشكرك لاخلاقك وتربيتك الجميله شوفت بقى دعوات الأمهات بتعمل ايه شوفت كلامي،، فاكر ؟! مليون مبروك يا حبيبي”
مشاركه النابلسي في ألبوم عشأنجي:
و الجدير بالذكر أن الموزع الموسيقي النابلسي شارك في ألبوم "عشأنجي" باغنيتين وهما أغنية "ليه طله" و أغنية "زي الأيام دي".
و أغنية "ليه طله" هي من كلمات: هالة الزيات،الحان: محمود الخيامي،توزيع: نابلسي،و قد حققت الأغنية 2 مليون و700 ألف مشاهدة علي موقع يوتيوب منذ بداية طرحها.
و أغنية "زي الأيام دي" هي من كلمات: تامر حسني،الحان: تامر حسني، توزيع: نابلسي، وقد حققت الأغنية 780 ألف مشاهدة علي موقع يوتيوب منذ بداية طرحها.
