عاجل.. ميدو يفتح النار على محمد الشناوي

هاجم الإعلامي أحمد حسام ميدو، محمد الشناوي حارس مرمى الفريق الأول لكرة القدم بالنادي الأهلي، بعد تراجع مستواه بشكل كبير، بالإضافة إلى ردود أفعاله الغاضبة، تجاه زملائه في الفريق.

وأوضح ميدو في تصريحات تليفزيونية عبر برنامج الريمونتادا على قناة المحور: "الجمهور أكتر ناس بتحس في المنظومة، وجماهير الأهلي شايفة إن في حاجة غلط مش في مستوى محمد الشناوي بس لكن في دوره كقائد برضو".

ميدو يوجه رسالة لمحمد الشناوي

وتابع: "رسالتي للشناوي، في فرق بين التوجيه وإرشاد اللاعيبة وإنك بتخلي اللاعيبة تشيل المسؤولية الخاصة بأخطائها، ما كل الناس يا شناوي عارفين إن معلول هو السبب في الهدف الثاني لكن رد فعلك ضد اللاعب التونسي، كأنك بتشيله المسؤولية وبتحرجه أكتر، في فرق بين التوجيه وبين إنك تحرج زملائك أكتر".

وأتم: "رسالتي للشناوي كنت سعيد الحظ بإني لعبت تحت قيادة لاعيبة كبار زي هاني رمزي، وتوتي، وروبي كين، الكابتن الصح اللي بيدور على مصلحة لاعيبته وبيحميهم لازم تبقى أكثر هدوءا في ردود أفعالك، ممكن تزعق في أوضة اللبس لازم تحمي زملائك في الملعب أكتر من كدة".

موعد مباراة الأهلي والزمالك في نهائي كأس مصر

ويلاقي الفريق الأول لكرة القدم بنادي الزمالك نظيره الأهلي، في نهائي كأس مصر، يوم الخميس المقبل.