"شقيقة نيرة" تكشف تفاصيل رسالة تهديد المتهم قبل ذبحها بـ3 أيام (فيديو)

قالت هدير، شقيقة نيرة أشرف، فتاة المنصورة، إن المتهم بذبح أختها أرسل لها رسالة تهديد، مستطردًا "قالها أنا هدبحك وهي افتكرت أنها زيها زي أي رسالة تهديد كان بعتها وهي معملتش اعتبار للكلام بيهدد زي كل مرة آخره ايه".

اقرأ أيضًا:

والد نيرة أشرف يكشف كواليس اللحظات الأخيرة بين ابنته والمتهم قبل ذبحها (فيديو)

مقلتش لحد على رسالة التهديد 

وأضافت "هدير" في تصريحات خاصة ببرنامج "يحدث في مصر" المذاع على فضائية "إم بي سي مصر": "هي مهتمش تقول على اللي حصل حتى لبابا وماما كانوا أخدوا حذرهم كانت ماما راحت معها الكلية كانوا خدوا احتياط يعني".

جوزي كلمني في السعودية وقالي نيرة ادبحت 

وتابعت "يوميها الصبح جالي مكالمة من جوزي في السعودية وسألني نيرة فين قولتله عند ماما قالي اتبعت ليا الفيديو ليها وهي ادبحت قدام الكلية مهتمش لقيت بعدها شروق بتتصل قالتلي اختك مدبوحة في الكلية مش عارفة لبست العباية والطرحة ازاي وأخدت توك توك ومشيت وجيت على هنا لقيت بابا وماما بيقفلوا الشقة وطول الطريقة كنت عاملة ادعي وأقول أذكار أنها تبقى كويسة".