شاهد.. والدة نيرة أشرف تنهار على الهواء: "كان مهددها من 3 أيام ومقالتش"

انهارت ثناء، والد نيرة أشرف فتاة المنصورة التي قتلت ذبحًا على يد زميلها أمام بوابة جامعة المنصورة قبل دخولها لأداء الامتحانات، في البكاء أثناء كشفها تفاصيل اللحظات الأخيرة في حياة ابنتها.

اقرأ أيضًا:

والد نيرة أشرف يكشف كواليس اللحظات الأخيرة بين ابنته والمتهم قبل ذبحها (فيديو)

ولا قصة حب ولا أي حاجة كان مجرد زميل

وقالت "ثناء" في تصريحات خاصة ببرنامج "يحدث في مصر" المذاع على فضائية "إم بي سي مصر": " ولا قصة حب ولا أي حاجة كان مجرد زميل قصدته أيام كورونا وعملها الأبحاث ومن يومها فكر أنها ممكن تحبه وعايز يعمل علاقة ويمشي معها".

وأضافت "وهي تقول إيه العيل الأهبل اللي أفكر ابصله هو عايز مني ايه وقعد يطاردها سنتين وقعد يطاردها ويعمل أكونتات فيس علشان يدخل يشتمها ويحط صور ويشتم كلام قلة أدب ويدخل على أخواتها وأقاربنا شردنا وعملنا سمعة زي الزفت".

قعدتها عند أختها في القاهرة وأخد حتة من قلبي 

وتابعت "ياما تكلمه ياما تبهدله اقعدتها في القاهرة عند أختها اتربس لها منعرفش إنه متربص لها لو كنت اعرف مكنتش نزلها والله والله ما كنت نزلتها".

واستطردت "مقلتليش أنه مهددها من 3 ايام وعرفنا ده من على الموبايل لما اتفتح في النيابة اتضح أنه كان مهددها مقلتليش ومقلتش لأحد قالت زي كل مرة بيهدد وبس موتها وأخدها مني أخد حتى من قلبي يا ناس".