بهاء الدين محمد يكشف عن خوضه تجربة أول فيلم غنائي من تأليفه
كشف الشاعر الغنائي بهاء الدين محمد، عن خوضه تجربة الكتابة السينمائية، بأول فيلم غنائي من تأليفه.
وكتب بهاء الدين محمد، عبر صفحته الشخصية على موقع التواصل الاجتماعي "فيس بوك": "الحمد لله تقريبًا في آخر خطوات كتابة أول فيلم غنائي من الألف إلى الياء وح تلاقوا فيه أفكار قريبة غريبة وعجيبة وجريئة".
وأضاف: "وأعتقد إن الفيلم ده محتاج لسينما مفتوحة مش قاعة عرض تقليدية.. قصة وسيناريو وحوار وأغاني بهاء الدين محمد".
يذكر أن بهاء الدين محمد، هاجم شيرين عبد الوهاب، بعد أن قالت إنها ندمت على تقديم أغنية «ماتجرحنيش» التي كتب هو كلماتها.
ونشر عبر صفحته على "فيس بوك": "مش متعود أرد على أي حد ولكن لما حد يتجاوز حدوده لازم يقف مكانه، ويعرف إنه مهما اتعود يغلط لازم ييجي عند بعض الأسماء ويحاسب، ويخلي باله، أنا لحد الآن مش عاجبني غُنا شيرين مع احترامي الكامل لصوتها، وأكيد لولا الأستاذ نصر ماكانش هيتم اللقاء، والأغنية من أهم أعمالي ومن حقي أدافع عنها نتاج تهور اللي غنتها، وكمان لأول مرة ألاقي حد بيحارب نفسه وبيغلط في مبدعين اشتركوا في صناعته!".
وتابع: "وعشان أكتب الكلام ده يبقى شيرين غلطانة كالعادة بس كان لازم أقول لها ماتعمليش كده تاني وأنت بتكبري بس مش هتعدي حدود حجم بعض الأسماء ولا أعمالهم".
