بعد تعرضها لعضة كلب.. رحمة حسن تطمئن جمهورها وتكشف تطورات حالتها

طمأنت الفنانة رحمة حسن، جمهورها ومتابعيها بعد تعرضها لهجوم من كلب شرس وعضها فى منطقة حساسة من جسدها، مشيرة إلى أن حالتها الصحية أصبحت جيدة وأيضا حالة الكلب جيدة، وأن صاحبته ستذهب به إلى مركز تأهيل وتدريب من أجل تعديل سلوكه، وذلك عبر صفحتها الشخصية موقع تبادل الصور والفيديوهات "إنستجرام".

وكتبت رحمة، عبر صفحتها الشخصية، "أنا متشكرة جدا لاهتمامكم ولكل الناس اللي كلمتني تطمن عليا، وآسفة إني ماقدرتش أرد على معظم الناس لأني كنت تعبانة ومش قادرة أتكلم، أنا رحت المستشفى النهاردة وكشفت عند جراح متخصص وهو غير على الجرح وعمل اللازم والحمد لله طمني، وقالي أتابع معاه الفترة الجاية وإني هاكون كويسه إن شاء الله والجرح هاياخد وقته وهايخف".

وتابعت: "بالنسبة للكلب فاحنا اتكلمنا مع صاحبته وطلبنا منها توديه مركز تأهيل وتدريب علشان تعدل سلوكه، وتبعت لنا الورق الرسمي اللي بيثبت إنها ودت الكلب فعلا، وإلا هاعمل محضر وساعتها الكلب اللي هايتضر، ودي حاجة ماترضيش حد، وهي كانت متفاهمة جدا ووافقت وقالت إنها هاتعمل كدة أول الشهر الجاي، علشان أخوها اللي هايوديه ويتولى مسئوليته".

واختتمت حديثها قائلة: "الحمد لله أنا كويسة والكلب كويس، وأتمنى إن صاحبة الكلب تصدق في كلمتها وتودي الكلب فعلا مركز تعليم ويبقي كويس".