"الإفتاء": يجوز إخراج زكاة الفطر نقدًا
أكدت دار الإفتاء المصرية، خلال صفحتها الرسمية على موقع التواصل الاجتماعي فيسبوك، أنه يجوز إخراج زكاة الفطر نقودًا؛ مراعاةً لمصلحة الفقير.
كما نشرت دار الإفتاء، طريقة حساب زكاة الفطر بطريقة بسيطة، قائلة: "حسبناها على القمح اللى بيتعمل منه العيش اللى كل الناس فى مصر بتاكله، طيب سعر أردب القمح كام ٩٠٠ جنيه والأردب فيه ١٥٠ كيلو يبقى سعر الكيلو كام ٦ جنيهات، طيب والزكاة أد إيه صاع من قمح، طيب الصاع يساوي كام كيلو طلع يساوي ٢.٠٤ كيلو، يبقى نضرب ٢.٠٤ كيلو * ٦، يطلع الناتج ١٢.٢٤ جنيه".
وتابعت: “دار الإفتاء قالت إنه ١٥ جنيها، يعني كمان مزودين عن السعر بشوية بحيث اختلاف الأسعار في الأردب، و١٥ جنياه الحد الأدنى يعني طلع أكتر من ١٥ جنيها لو معاك ودخلك يسمح لك، بس اللى مش هيقدر فأقل حاجه يطلعها عن الفرد ١٥ جنيها، وتخرج قبل صلاة العيد، ويجوز إخراجها من أول يوم في رمضان، ويجوز إخراجها نقدًا”.
