شقيقة أحد الشهداء: "محمد واللي زيه ماتوا علشان إحنا نعيش في أمان" (فيديو)

أعربت ميار أشرف، شقيقة الملازم أول شهيد محمد شرف عبد الفتاح، عن سعادتها بتكريم الرئيس عبد الفتاح السيسي لشقيقها خلال احتفالية يوم الشهيد في الندوة التثقيفية للقوات المسلحة.

وقالت "ميار أشرف" في اتصال هاتفي ببرنامج "90 دقيقة" المذاع على فضائية "المحور" اليوم الأربعاء: "حسيت خلال التكريم أنه لسه معانا وأن الناس فاكراه والشهادة دي حاجة كان نفسه فيها من زمان".

وأضافت: "بعد تكريم الرئيس السيسي اليوم حسيت أن ما قام به لم يروح على الفاضي وأن بلده فاكراه وأن الرئيس والدولة مقدرين ما قام به وكانت مشاعر حلوة وفي الوقت نفسه كنت زعلانة لأنه مش قادر يشارك اللحظة اللي كان نفسه فيها".

وتابعت شقيقة الملازم أول شهيد محمد شرف عبد الفتاح: "محمد واللي زيه استشهدوا علشان إحنا نعيش في أمان ونقدر نمشي فيها بسلام من غير ما حد يضايقنا".