"وش السعد عليا".. محمد صلاح يوجه رسالة حب لزوجته

وجهت سيدة من الريف رسالة لمحمد صلاح وهي أمام فرن بلدي  قائلة: “أنا فخورة بيك لأن انت مهتم بمراتك وبتخلي بالك منها ام مكة ويارب عيالنا كلها تبقى زيك وبنحب نسمعك بالمنتخب والله”.

 
وقال صلاح متحدثا عن زوجته قائلا: “أنا مهما أقول مش هديها حقها لأن هي أكتر واحدة بتعاني في ظل الأحداث اللي أنا بمر بيها وان معظم الوقت أنا في النادي، وأن دايما هي بتحاول ست بيت للبيت كله.. ساعات أنا بيكون عندي ضغط، مودي مش حلو فلازم هي تكون مع الأطفال معظم الوقت”.

وتابع أن علاقته  بزوجته كانت منذ الصغر، ثم تعرف عليها في الجامعة، وبعد ذلك تم الزواج، وبعد الزواج التحق بتشيلسي قائلا: “وش السعد عليا”.

وصف صلاح  ابنته مكة بأن شخصيتها قوية وعنيدة قائلا: “لما بتحب تاخد حاجة مش بتكست غير لما بتاخدها مع طموحها هيفرق بالنسبالي كتير وفي المستقبل هتكون أفضل بكتير بسبب طموحها الكبير، شخصيتها تشبهلي”.

وأعرب صلاح عن أمنيته أن ينجب ولد، قائلا: “أنا طول عمري كان نفسي اخلف الولد، ولكن بعد لما خلفت بنتين ولا فارق معايا هما كده حلوين أوي”.