شاهد.. أول تعليق من شقيق عريس الإسماعيلية وكشف حقيقة تهديدهم لمصورة الواقعة
كشف مروان أحمد مصطفى، شقيق عريس الإسماعيلية، حقيقة قيام شقيقه بضرب عروسته ليلة زفاف في الشارع والتي انتشرت عبر مواقع التواصل الاجتماعي وأثارت حالة من الجدل.
وقال "مروان" في اتصال هاتفي ببرنامج "آخر النهار" المذاع على فضائية "النهار": "كان فيه اختلاف على التأخير وأخويا كان متوتر لأن الراجل بتاع التصوير كان معاه واتأخروا على جلسة التصوير واتعصبوا شوية".
وأضاف "بنبص على السوشيال ميديا ولاقينا الناس خاربة الدنيا وهو اتوتر لما لاقى الناس بتتفرج عليا وكان عايز يدخلها العربية علشان يتكلموا بعيد عن الناس".
وتابع "أخوايا راجل صعيدي ودي بنت عمه قبل ما تبقى مراته وهو مستفيد ايه أنه يعمل كده وهو عامل فرح ومكلف هينكد على نفسه ليه هو كان سوء تفاهم فقط".
واستطرد "بعد اللي حصل أبوها وأبويا وعمامي ادخلوا وقالوا كملوا فرحكم وده شيطان ورتبنا الأمور وروحنا القاعة واتصورنا والعريس والعروسة حجزوا ورايحين شرم الشيخ يقضوا شهر العسل".
وعن ما تردد بشأن تهديد مصورة الواقعة ونشرها عبر السوشيال ميديا، قال شقيق العريس "دي بنت بلدنا بعيدًا عن أي حاجة واختنا الكبيرة ولم نمسها بأي كلام يجرح بس هي كانت عايزة تأخذ تريند على قفانا".
وأردف "انا بعتذر لك وإحنا اسفين لو أي حد قال أي كلمة وقدام الشعب المصري أنا بتكلم بالنيابة عن عبد الله وعائلة العريس إحنا بنتأسف ليكي ومحدش يقدر يبص لحضرتك".
