بسمة وهبة عن رقص معلمة المنصورة: فين الجريمة؟.. محمد رمضان بيطلع على المسرح عريان

أعربت الإعلامية بسمة وهبة، عن استيائها من نشر مقطع  فيديو لمعلمة بمدينة المنصورة في رحلة مدرسية  ترقص مع مُعلمين آخرين.

وأضافت وهبة، خلال تقديمها برنامج "90 دقيقة"، المذاع على قناة "المحور" أن مُعلمة المنصورة، جرى إحالتها للتحقيق وتعرضت لهجوم شرس على منصات التواصل الاجتماعي.

 ودافعت عن المعلمة قائلة: "فين الجريمة؟! هل رقصت في مدرسة؟! رحلة فيها طلاب؟! هل أهملت وسابت شغلها ورقصت؟! فين؟! وبالنسبة للمدرسين الرجالة اللي كانوا بيرقصوا ويتصوروا وكان واحد منهم متحزم وبيرقص، ده عادي؟! جيتوا على الأنثى والرجل ده عادي؟! هو مش مدرس زيه زيها؟! ومحمد رمضان اللي بيطلع على المسرح وبيرقص عريان ويستفزنا وكل ما نستفز ننبسط ويقلع لنا زيادة".

وأضافت: "لو الرقص يتنافى مع مهنة التدريس، يبقوا تعاقبوا المدرس ومحمد رمضان، بعض الرجالة على التيك توك بتفتح بيوتها وتصور ستاتها وتتاجر بيهم، بس محدش بيتكلم ولا بيقول إن دي جريمة، لكن لما ست تعمل كده يتحرك الأوصياء ويطالبوا بتحكيمها".

وتابعت، أنها ضد وجود كل تيك توك دون ضوابط والقنوات اللي مفتوحة على يوتيوب دون ضوابط، وضد التجارة بأسرار البيوت، وضد استغلال الأطفال، مستطردةً: "لكن لما تعاقب يبقى تعاقب كله، عاقبوا المدرسين التانيين وعاقبوا محمد رمضان، متخلوش في خيار وفقّوس".

وأكدت، أن المدرسة لم ترتكب جريمة، ولم ترتكب فعلا فاضحا، والقاعدة تقول إنك حر ما لم تضر، معقبة: "السوشيال ميديا دمرتنا وخراب لبيوتنا، عاوزين نخاف على بيوتنا وبناتنا، نريد حلا لهذه المشكلة".