عمر كمال يرد على انتقادات غنائه لعبد الباسط حمودة

رد  الفنان عمر كمال على الانتقادات التي تعرض لها بعد غنائه للمطرب الشعبي عبد الباسط حمودة، وذلك من خلال حسابه الشخصي على موقع التواصل الاجتماعي "فيسبوك".

كتب عمر كمال منشورًا قال فيه:"أنا فاهم وعارف حتتى كويس أوي اللي باغني فيها، ومفيش مطرب خلقه ربنا بيغني كل ألوان الغنا بنفس التمكن والشطارة، هتلاقيه مؤدي في حتة ومطرب شاطر في حتة".

وأضاف قائلًا:" وربنا خلق أصواتنا ومساحات صوتنا غير بعض خالص، بس كل واحد ليه بصمة ولون وطعم وإحساس غير التاني، فأنا مش مطلوب مني أغني لحن مش بتاعي ومش شبهي ومش مساحات صوتي، فالطبيعى هغنيه على استحياء، وكمان لما يكون صاحبه موجود وبيغنيه بقاله 20 سنة يوميا، أكيد هيقول له أحسن مني 100 مرة".

واختتم عمر كمال كلامه قائلًا:" فكوني قلت حاجة مش بتاعتي وأدائي فيها كان مش كويس، فديه حاجة متقللش مني وأنا قلتها إرضاء لطلب، ولما صاحبها غناها معايا، أكيد غناها أفضل مني لأنها بتاعته ومساحته وشكله فده أمر طبيعي".