السيسي: ربنا اللي جابني للكرسي وهو اللي هيمشيني.. لذلك سأتصدى لملف الخبز
قال الرئيس عبدالفتاح السيسي، إن وزير التموين يدرس حاليا ملف دعم الخبز، معلقا: "الناس هتقول بردو بتكرره تاني.. أيوة أنا بتصدى للقضايا، وبستفيد من الفرص عشان اتكلم معاكم وأقولكم أن الحال اللي كنا فيه غير قابل لإنجاح الدولة".
وأشار "السيسي"، خلال كلمته أثناء افتتاح عدد من المشروعات السكنية، من مدينة بدر، اليوم السبت، إلى أن الرغيف عندما تم تعديل سعره إلى 5 قروش كان حينها يكلف إنتاجه 18 قرش، وظل سعره 5 قروش رغم أن تكلفة إنتاجه وصلت إلى 65 قرش، معلقا: "ده كلام".
ولفت إلى أن الدعم كان يقدم لنحو 30 مليون مواطن منذ 30 عاما، بينما يستفيد من الدعم حاليا نحو 70 مليون مواطن، منوها بأن قيمة السلعة ارتفعت وعدد المستفيدين زاد، معقبا: "مين يقدر يستمر على كده.. لو أنا قولت أنا مش هكون وقتها واللي موجودين ربنا يوفقهم، وأنا كنت فاهم اللي هيحصل للبلد.. ربنا هيحاسبني، وهيقولي كنت فاهم الوضع وساكت ليه، هقوله أصلي كنت عايز استمر على الكرسي على طول، هيقولي الكرسي ده أنا اللي جبتك فيه وأنا اللي همشيك منه"، مستدلا بقوله "تُؤْتِي الْمُلْكَ مَنْ تَشَاءُ وَتَنْزِعُ الْمُلْكَ مِمَّنْ تَشَاءُ.
وتابع، "ربنا هيقولي محدش بيجيب حد.. هقوله إيه ساعتها"، مؤكدا أن الأمانة تقتضي أن يتصدى للمشاكل التي يراها ويقوم بحلها".
