إيمان السيد تكشف تفاصيل مشاركتها في فيلم "صاحب المقام"
روت الفنانة إيمان السيد عن تفاصيل مشاركتها في فيلم "صاحب المقام"، وذلك من خلال حسابها الشخصي على موقع التواصل الاجتماعي "فيسبوك".
كتبت إيمان السيد منشورًا قالت فيه :"الحاج احمد السبكي كان بيبعتلي بصراحة في أكتر من عمل وكنت بعتذر إما لإني مش شايفة نفسي في الدور أو في العمل نفسه، وحتى المشوار للمكتب عنده والاعتذار كان بيبقى كوميدي، في مرة بعتلي عشان فيلم وروحت فحكالي ع الفيلم وقالي دورك ٥٠ مشهد، قولتله هو أنا هوزن يا حاج، واعتذرت برضوا، وقولتله أنا ممكن اعمل مشهد واحد مش ٥٠ بس في فيلم زي ساعة ونص أو الفرح أو الماء والخضرة والوجه الحسن .
وتابعت إيمان السيد قائلة :"فلما كلمني على صاحب المقام قالي مش انتي قولتيلي أنا ممكن اجي اعمل مشهد بس في فيلم كويس، قولتله حصل، وبعتلي سيناريو الفيلم كله لإنه عارف إني بحب أقرأ العمل كامل حتى لو هاروح اصور مشهد ، وكان معاه ماندو العدل
(مخرج الفيلم) كلمني وشرحلي المشهد ، وقد كان".
والجدير بالذكر أن فيلم" صاحب المقام"من إخراج محمد جمال العدل، تأليف إبراهيم عيسى، بطولة محمود عبد المغني، آسر ياسين، يسرا، أمينة خليل، بيومي فؤاد، هالة فاخر، وحقق الفيلم نجاحًا كبيرًا عقب طرحه.
